+7 (701) 759 90 19
-14 °С : نۇر-سۇلتان
9 °С : الماتى
USD 388.49 EUR 427.26
RUB 6.06 CNY 55.32
جاڭالىقتار

ب ۇ ۇ: ادام ساۋداسى مەن زاڭسىز ميگراتسيانىڭ ارتىندا اقشاعا قۇنىققان قىلمىستىق توپتار تۇر

1 قازان 12:09
:ءبولىسۋ
ب ۇ ۇ: ادام ساۋداسى مەن زاڭسىز ميگراتسيانىڭ ارتىندا اقشاعا قۇنىققان قىلمىستىق توپتار تۇر

نۇر- سۇلتان. قازاقپارات – ب ۇ ۇ ەسىرتكى مەن قىلمىس جونىندەگى باسقارماسىنىڭ ايماقتىق ۇيلەستىرۋشىسى دانيلو كامپيسي ادام ساۋداسى مەن زاڭسىز ميگراتسيانىڭ سالدارى، وعان قارسى تۇرۋ ماڭىزى تۋرالى پىكىرىمەن ءبولىستى، دەپ حابارلايدى قازاقپارات ءتىلشىسى.

«ادام ساۋداسى مەن زاڭسىز ميگراتسيا ماسەلەلەرى وتە وزەكتى. بۇكىل الەمدە تابىس كوزى ماقساتىندا ميلليونداعان جان ادام ساۋداسى قۇربانىنا اينالىپ، زاڭسىز ميگراتسيانى باسىنان وتكىزەدى. ادام ساۋداسىنا قاتىستى وتە قاتەرلى ىستەردىڭ ۇشىعى ۇيىمداسقان قىلمىستىق توپتارعا بارىپ تىرەلەدى. قىلمىستىق توپتار ادامداردى سەكسۋالدى ەكسپلۋاتاتسيا نەمەسە كۇشتەپ جۇمىسقا تارتۋ ءۇشىن پايدالانادى. جالپى، ميگراتسيا جونىندەگى حالىقارالىق ۇيىمنىڭ مالىمەتىنە سۇيەنسەك، زاڭسىز ميگراتسيا جۇيەسىندە الەم بويىنشا 5-7 ميلليارد ا ق ش دوللارى اينالىمدا. دەمەك، مۇنداي ترانسۇلتتىق قىلمىستاردىڭ تۇبىندە زاڭسىز تابىس جاتقانىن كورىپ وتىرمىز» ، - دەدى ول ەلوردادا ءوتىپ جاتقان وڭىرلىك سەميناردا.

ب ۇ ۇ ە ق ب وكىلىنىڭ ايتۋىنشا، الەم مەملەكەتتەرىنىڭ قارجىلىق بارلاۋ قىزمەتتەرى مۇنداي قىلمىستاردىڭ الدىن الۋ، جولىن كەسۋ ىسىمەن اينالىسپايدى.

«سول سەبەپتى، نۇر- سۇلتاندا ءوتىپ جاتقان بۇل شاراعا ق ر باس پروكۋراتۋراسىنىڭ قۇقىق قورعاۋ ورگاندارى اكادەمياسىنىڭ وكىلدەرىنىڭ قاتىسىپ وتىرعانىنا قۋانىشتىمىز. ياعني، ورتالىق ازيا مەملەكەتتەرى بۇل ماسەلەگە بەي- جاي قاراپ وتىرعان جوق. مۇنداي اۋىر قىلمىستاردىڭ جولىن كەسۋ ءۇشىن بىزگە حالىقارالىق ىنتىماقتاستىق كەرەك» ، - دەدى دانيلو كامپيسي.

ايتا كەتسەك، الداعى ەكى كۇندە نۇر- سۇلتان قالاسىندا قۇقىق قورعاۋ ورگاندارىنىڭ اكادەمياسى ب ۇ ۇ ە ق ب- مەن بىرلەسىپ «ادام ساۋداسى مەن زاڭسىز ميگراتسيا اينالىمىنداعى زاڭسىز قارجى اعىنىنىڭ جولىن كەسۋ ماقساتى بويىنشا حالىقارالىق جانە وڭىرلىك ىنتىماقتاستىق» تاقىرىبىندا وڭىرلىك سەمينار وتكىزىپ جاتىر. سەمينارعا اۋعانستان، يران، سونداي- اق قازاقستان، قىرعىزستان، پاكىستان، تاجىكستان، تۇرىكمەنستان جانە وزبەكستان پروكۋراتۋرا ورگاندارىنىڭ جانە قارجى بارلاۋ بولىمشەلەرىنىڭ وكىلدەرى قاتىسىپ جاتىر. سونىمەن قاتار، جيىندا سپيكەرلەر رەتىندە بۇۇ ەقب حالىقارالىق ساراپشىلارى، سونداي- اق قۇقىق قورعاۋ ورگاندارى اكادەمياسىنىڭ ساراپشىلارى ءسوز سويلەيدى.

ق ر باس پروكۋراتۋراسىنىڭ قۇقىق قورعاۋ ورگاندارى اكادەمياسىنىڭ مالىمەتىنە سۇيەنسەك، بۇكىل الەم بويىنشا شامامەن 40 ميلليون ادام قۇلدىقتا. قازاقستان جاھاندىق قۇلدىق يندەكسىنەن 2017 -جىلى 167 ەلدىڭ اراسىنان 83 ورىننان كورىنگەن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات