«شەشىنەتىن قىزداردىڭ كوزىن قۇرتۋ كەرەك»: ماقپال ءجۇنىسوۆا جالاڭاشتانعان انشىلەر جايلى

نۇر- سۇلتان. قازاقپارات - ماقپال ءجۇنىسوۆا جالاڭاش وبرازىمەن ونەر كورسەتىپ جۇرگەن انشىلەردى سىنعا الدى. ولاردى ساحنادان شەتتەتۋ كەرەك دەگەن ۇسىنىس ايتتى.

ماقپال ءجۇنىسوۆا جالاڭاش انشىلەردىڭ سىننان قورىتىندى شىعارماي، كەرىسىنشە سىناعان سايىن ءورشىپ بارا جاتقانىن ايتتى. سوندىقتان كورشى وزبەكتەر سەكىلدى زاڭ شىعارىپ، وندايلارلى ساحنادان قۋۋ كەرەك دەدى.

 «جالاڭاشتانعاندى جاقسى كورسە، ياعني، ورتاسى سونداي. ءبىز ولاردىڭ اكە- شەشەسى ەمەسپىن. ورتاسى بار، دوستارى بار. ولار نەگە ايتپايدى؟ وزبەكستانداعىداي زاڭ شىعارىپ، ساحنادان قۋىپ تاستاۋ كەرەك ولاردى. گاككۋ داۋىسىندا ساحنادا جاتىپ، اياعىن كوككە كوتەرىپ جاتىر. نە دەگەن ماسقارا؟ »، - دەدى ءانشى.

بۇل ءسوزدى جىگەر اۋىپبايەۆ تا قولداپ وتىر.

 «قانشا ەسكەرتۋ جاسادىق. سىن ايتتىق. ناتيجە جوق. مەن جالاڭاش وبرازعا قارسىمىن. ول دۇرىس ەمەس»، - دەيدى جىگەر.

 بۇعان دەيىن «Gakku داۋىسى» فەستيۆالىندە ونەر كورسەتكەن كامشات جولدىبايەۆا ەرسى بيىمەن ەلدى شوشىتقان ەدى.