ادام اياعى باسپاعان بىرەگەي ايماقتاردى قورعاۋ كەرەك - الماتى اكىمى
اكىم Instagram - داعى پاراقشاسىندا، «گورنىي گيگانت» ىقشاماۋدانىندا جەكە ينۆەستوردىڭ قاراجاتىنا مۋزىكالىق كەشەن سالىناتىنىن جەتكىزدى.
«بولاشاقتا مۇندا جاڭا قوعامدىق جانە الەۋمەتتىك نىساندار پايدا بولادى. جاڭا كەلبەتكە يە بولاتىن ىقشاماۋدان قالانىڭ ورتالىعى سياقتى تۇرعىندارعا جايلى مەكەن بولارى ءسوزسىز»، دەپ جازدى باقىتجان ساعىنتايەۆ.
سونىمەن قاتار، ول جاڭا مەن ەسكى الماتىنىڭ اراسىنداعى تەپە-تەڭدىكتى ساقتاۋ ماڭىزدى ەكەندىگىنە توقتالدى. اكىمنىڭ ايتۋىنشا، قالادا اسىرەسە، ءالى ادام اياعى باسپاعان بىرەگەي ايماقتاردى قورعاۋ كەرەك.
«ماسەلەن، گورنىي گيگانتتاعى ەمەن اللەياسىن ايتۋعا بولادى. بۇدان وزگە تۇرعىنداردىڭ شاعىمدارى بويىنشا رەتكە كەلتىرۋ مەن اباتتاندىرۋدى قاجەت ەتەتىن ۋچاسكەلەردى دە ارالادىم. اۋدان اكىمى سۇلتانبەك ماكەجانوۆقا ەسەنتاي وزەنىنىڭ جاعالاۋىنا جاياۋ جۇرگىنشىلەر جولىن سالۋ ماسەلەسىن شەشۋدى تاپسىردىم»، دەپ جازدى اكىم.