ەلوردانىڭ ۇزاققا سوزىلعان قۇرىلىس نىساندارىندا قانداي جۇمىس جۇرگىزىلۋدە

نۇر-سۇلتان. قازاقپارات - قالا اكىمى التاي كولگىنوۆ پروبلەمالىق تۇرعىن ءۇي كەشەندەرىنىڭ ۇلەسكەرلەرىمەن كەزدەستى، دەپ حابارلايدى قازاقپارات اكىمدىكتىڭ سايتىنا سىلتەمە جاساپ.

ماسەلەن، «جاعالاۋ-3» تۇرعىن ءۇي كەشەنىندە بارلىق تەرەزە ورناتىلدى جانە ىشكى ينجەنەرلىك جەلىلەر جۇرگىزىلدى. عيماراتتىڭ قاسبەتىن نىعايتۋ، كىرەبەرىستەردە پليتكالار ورناتۋ جالعاسۋدا.

ا. كولگىنوۆ اتاپ وتكەندەي، قۇرىلىس قارقىنى ءالسىز، ت ك اۋماعىنداعى جۇمىسشىلار سانىن ارتتىرۋ قاجەت.

«تەرريتوريا كومفورتا-2» تۇرعىن ءۇي كەشەنى 2004-جىلى سالىنا باستاعان. قالا اكىمىنە تۇرعىندار اسفالت توسەۋدى سۇرادى. ۇيگە تەحنيكالىق تەكسەرۋ جۇرگىزىلدى جانە جول بولىگى اسفالتتالدى. عيماراتتىڭ قاسبەتىن نىعايتۋ جانە پاركينگتىڭ قۇرىلىمىن نىعايتۋ كەرەك.

قالادا بارلىعى 51 (76 ءۇي) پروبلەمالىق تۇرعىن ءۇي كەشەنى بار. جىل سوڭىنا دەيىن 10 تۇرعىن ءۇي كەشەنى پايدالانۋعا بەرىلەدى.

قۇرىلىس بارىسىن Nur Otan جانە ءماسليحات دەپۋتاتتارى باقىلايدى.