قازاقستانداعى ا ق ش ەلشىسى ديماش قۇدايبەرگەنمەن كەزدەستى
قازاقستانداعى امەريكا ەلشىلىگىنەن ءمالىم ەتكەندەي، ەكى ەل اراسىنداعى ءوزارا ىقپالداستىق - جىلى اتموسفەرادا وتكەن جۇزدەسۋ بارىسىندا اڭگىمەگە ارقاۋ بولعان. ديماش ءوز كەزەگىندە ەلشىلىكتە قىزمەت ەتەتىن جانكۇيەرلەرىنە ۋاقىت ءبولىپ، اڭگىمەلەسكەن. اتاپ وتىلگەندەي، ديپميسسيادا ولاردىڭ سانى وتە كوپ.
«بۇگىن ا ق ش ەلشىلىگى ءۇشىن قۋانىشتى ءسات بولدى! ا ق ش پەن قازاقستاننىڭ ىنتىماقتاستىعى ءۇشىن جانە ەكى ەل اراسىنداعى قارىم- قاتىناستىڭ نىعايۋى ءۇشىن ەڭبەك ەتەتىن قىزمەتكەرلەردىڭ اراسىندا ديماش قۇدايبەرگەننىڭ جانكۇيەرلەرى وتە كوپ. التىن ۋاقىتتارىن ءبولىپ كەلگەن ديماش پەن قانات ايتبايەۆقا العىسىمىز شەكسىز!»، - دەدى ەلشىلىكتەن.
ەسكە سالايىق، بيىلعى 10 -جەلتوقساندا نيۋ-يورك قالاسىنداعى «Barclays Center» ارەناسىندا ديماش قۇدايبەرگەننىڭ جەكە كونسەرتى وتەدى. شارانى ق ر مادەنيەت جانە سپورت مينيسترلىگى ۇيىمداستىرىپ وتىر. وندا ءانشى بۇعان دەيىن ەلوردادا ورىنداعان «ارناۋ» باعدارلاماسىن ۇسىنادى.
كونسەرتكە بيلەتتەردىڭ ساتىلىمى باستالدى.
اۋدارما: ميرا تولەندى قىزى