+7 (701) 759 90 19
-4 °С : نۇر-سۇلتان
5 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

ارۋجان ساين: ءار بالانىڭ كەم دەگەندە ەكى ۇيىرمەگە بارا الاتىن مۇمكىندىگى بولۋى كەرەك

27 قىركۇيەك 14:18
:ءبولىسۋ
ارۋجان ساين: ءار بالانىڭ كەم دەگەندە ەكى ۇيىرمەگە بارا الاتىن مۇمكىندىگى بولۋى كەرەك

نۇر-سۇلتان. قازاقپارات - يميدجدىك شارالاردان باس تارتىپ، وعان كەتەتىن قىرۋار قارجى بالالارعا جۇمسالۋى ءتيىس.

ق ر بالالار قۇقىعى جونىندەگى ۋاكىل ارۋجان ساين وسىنداي ماسەلە كوتەردى، دەپ حابارلايدى قازاقپارات ءتىلشىسى.

«بالالار ءبىرىن-ءبىرى ساباپ، كوزىن شىعارىپ، ءتىپتى ءبىر-ءبىرىن ورتەپ جاتقان جاعدايلار كەزدەسەدى. ءبىرى جان-جانۋاردى، مالدى قيناپ، ەكىنشىسى ءتىپتى سەكسۋالدىق ارەكەتتەرىمەن كوزگە ءتۇستى. وكىنىشكە قاراي، وسىلاي ۋاقىت وتكىزىپ، قالىپتاسىپ كەلەدى. ال نەگىزىنەن بالانىڭ ۋاقىتى دامۋ، وركەندەۋ ماقساتىنا جۇمسالۋى ءتيىس. ياعني، بالا ءوز ۋاقىتىن سپورتپەن، عىلىممەن، ونەرمەن وتكىزۋى ءتيىس. ءوزىن-ءوزى جەتىلدىرۋ جولىندا بالاعا قاجەتتىنىڭ ءبارى قولجەتىمدى بولۋى كەرەك. ءار ايماقتا بيزنەستى جۇمىلدىرۋ جولىمەن مادەنيەت ۇيلەرى، سپورت سارايلارى، ءبىلىم بەرۋ ۇيىمدارىندا ۇيىرمەلەر تولىققاندى جۇمىس ىستەپ تۇرۋى كەرەك»، - دەدى ارۋجان ساين ورتالىق كوممۋنيكاتسيالار قىزمەتىندە(و ك ق) وتكەن باسپا ءسوز ءماسليحاتىندا.

ونىڭ ايتۋىنشا، بۇل تۇرعىدا ءبارى تەگىن دەگەن تۇسىنىك بولماۋى كەرەك. سەبەبى، تەگىن دەگەن ءسوزدىڭ ارتىندا بۇكىل قازاقستاندىقتاردىڭ سالىعى جاتىر.

«ءبىز، ازاماتتاردىڭ ءبارى، سالىق تولەپ جاتىرمىز. ول قاراجات مەملەكەتتىڭ يەلىگىندە. قاسىم-جومارت كەمەل ۇلى دا، نۇرسۇلتان ءابىش ۇلى دا قاراجاتتىڭ حالىققا جەتۋى ءتيىس ەكەنىن ايتقان بولاتىن. قاراجاتتى يميدجدىك شارالارعا، كونسەرتتەر مەن مەرەكەلەرگە جۇمساۋدى توقتاتقان ابزال. ونىڭ بارىنە قىرۋار قاراجات جۇمسالۋدا»، - دەدى ول.

ارۋجان ساين وسىعان بايلانىستى جەرگىلىكتى اتقارۋشى ورگاندار مەن ايماق باسشىلارىنا ۇندەۋ تاستادى.

«قارجىلىق ساياساتتتى قايتا قاراپ، مۇنداي شارالاردىڭ ءبارىن قىسقارتىپ، ودان ۇنەمدەلگەن قاراجاتتى بالالارعا جۇمساساڭىزدار، ءبىر جىلدان كەيىن-اق بالالار ونەر كورسەتەتىن ەڭ كوركەم دە ۇزدىك شارالاردى باقىلاي الاسىزدار. بالالار ول شارالاردا ءبىر-بىرىمەن سپورتتا، ونەردە سايىساتىن بولادى»، - دەدى ارۋجان ساين.

ونىڭ ايتۋىنشا، بۇل باعىتتا ناقتى جوسپار دا بار.

«ءبىز ءبىلىم جانە عىلىم مينيسترلىگىمەن بالالاردىڭ جان سانىنا قاراي قارجىلاندىرۋ بويىنشا تىعىز بايلانىستا جۇمىس جۇرگىزىپ جاتىرمىز. ول جوسپار بويىنشا ءار بالاعا كەم دەگەندە ەكى ۇيىرمە قولجەتىمدى بولۋى ءتيىس. وسىلاي ەتسەك، قاراجات بالالارعا جۇمسالىپ، ءار بالا سۇيىكتى ىسىمەن اينالىسۋعا مۇمكىندىك الار ەدى»، - دەدى ول.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات