ءدىن تانۋشى: يسلام ءدىنىنىڭ تەك سىرتقى فورماسىن قابىلداعاندار - اداسقاندار
«بۇگىنگى تاڭدا ءدىن ماسەلەسى وتە وزەكتى ماسەلەلەردىڭ ءبىرى. قوعامدا ءارتۇرلى ءدىني اعىمدار بوي كورسەتە باستادى. سوعان بايلانىستى ءبىزدىڭ الماتى قالالىق قوعامدىق دامۋ باسقارماسى اقپاراتتىق ءتۇسىندىرۋ توبىن قۇردى. بۇل - قاشان جارىلىس بولادى دەپ كۇتىپ وتىرماي، ادامدار دۇرىس اقپارات جەتكىزۋ ماقساتىندا قولعا الىنعان شارا. ەلىمىزدە قازىر 1000 عا جۋىق ازامات ەكسترەميزم مەن تەرروريزم بابى بويىنشا تۇرمەدە وتىر. جىلىنا 50-60 ادام قوسىلىپ وتىرادى»، - دەدى الماسبەك شاعىرباي.
ونىڭ ايتۋىنشا، كوپتەگەن ازاماتتار ءدىننىڭ سىرتقى اتريبۋتيكاسىن عانا قابىلداپ، تۋرا جولدا ءجۇر ەكەنمىن دەپ اداسادى.
«وسى وتىرعان ازاماتتارىمىزدىڭ ىشىندە قاي-قايسىڭىز دا سالافيزم ءدىني اعىمىمەن تانىسقان بولارسىزدار. ويتكەنى، ولاردى سىرتقى كيىم اتريبۋتيكاسىنان تانۋعا بولادى. بۇل ازاماتتار وزگە ەلدىڭ ءداستۇرى مەن مادەنيەتىن ءدىن دەپ قابىلداعان ادامدار. سوندىقتان، ولار وزگە ەلدىڭ قۇندىلىقتارىن بىزگە تاڭعىسى كەلەدى. بۇل اداسۋشىلىق. ماسەلەن، كەيبىرى ناماز وقىمايتىن اتا-اناسىنا قارسىلىق بىلدىرەدى. ءبىزدىڭ سالت ءداستۇردى جوققا شىعارادى. جەتى شەلپەك، تۇساۋ كەسۋ، شاشۋ شاشۋ سياقتى عۇرىپتارعا دا قارسىلىق بىلدىرەدى»، - دەدى الماسبەك شاعىرباي.
ءدىن تانۋشىنىڭ ورتاعا سالعان تاقىرىبى كوپشىلىكتىڭ قىزىعۋشىلىعىن تۋعىزدى.
وتىرعانداردىڭ اراسىندا ءبىر قىزمەتكەر ءوز پىكىرىن دە ءبىلدىردى.
«مەن قوعامدىق كولىكتە وسىنداي، ءسىز ايتقانداي، كيىم كيەتىن ازاماتتاردى كورگەنمىن. ولاردىڭ ءبىرىنىڭ اياعىن باسىپ كەتكەندە ماعان سونداي اشۋلانىپ، دورەكىلىك كورسەتىپ، ءتىپتى ۇرۋعا دەيىن بارعان ەدى. شىنىمىزدى ايتساق، ءبىز مۇنداي ادامداردان قورقامىز. قوعامدا ۇرەي بار. ءبىز ولاردان قالايشا ساقتانا الامىز؟» - دەدى ايەل.
ونىڭ ساۋالىنا ءدىنتانۋشى تومەندەگىدەي جاۋاپ بەردى.
«سىزدەر ونداي احۋال تۋىنداعاندا ەڭ الدىمەن قۇزىرلى ورگاندارعا حابارلاڭىزدار. اينالاڭىزدا، تۋىستارىڭىزدىڭ اراسىندا، كۇدىكتى جينالىستار تۋرالى ەستىسەڭىزدەر، بىردەن 102 نومىرىنە حابارلاسقاندارىڭىز ءجون»، - دەدى الماسبەك شاعىرباي.
دارىستەن سوڭ تىڭدارماندارعا دەسترۋكتيۆتى ءدىني اعىمداردىڭ قاۋپى تۋرالى ارنايى ۆيدەوفيلم كورسەتىلدى.
الماتى قالاسى قوعامدىق دامۋ باسقارماسىنىڭ مونيتورينگ جانە تالداۋ ورتالىعى جىل اياعىنا دەيىن وسى سياقتى 600 دەن استام ءىس-شارا ۇيىمداستىرماق. جالپى سانى 100 مىڭنان اسا ادام قامتۋ جوسپاردا بار. بۇل ءىس-شارالار قالامىزدىڭ بارلىق الەۋمەتتىك توپتارىن قامتيدى. جالپى ءبىلىم بەرۋ مەكەمەلەرى وقۋشىلارىنا، ورتا ارنايى، جوعارى وقۋ ورىندارى ستۋدەنتتەرىنە جانە دە دەسترۋكتيۆتىك اعىم وكىلدەرى كوپ شوعىرلانعان ساۋدا كەشەندەرىندە باسىم كوپشىلىك شارالار جۇرگىزىلەدى.