+7 (701) 759 90 19
-20 °С : نۇر-سۇلتان
-9 °С : الماتى
USD 387.37 EUR 428.55
RUB 6.06 CNY 55.06
جاڭالىقتار

قازاقستان- رەسەي مەملەكەتتىك شەكاراسىن كەسىپ ءوتۋ ءتارتىبى جەڭىلدەتىلەدى

26 قىركۇيەك 13:23
:ءبولىسۋ

نۇر- سۇلتان. قازاقپارات - پارلامەنت سەناتىنىڭ جالپى وتىرىسىندا «2006 -جىلعى 3 - قازانداعى ق ر ۇكىمەتى مەن ر ف ۇكىمەتى اراسىنداعى قازاقستاننىڭ جانە رەسەيدىڭ شەكارا ماڭىنداعى اۋماقتارى تۇرعىندارىنىڭ قازاقستان- رەسەي مەملەكەتتىك شەكاراسىن كەسىپ ءوتۋ ءتارتىبى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭى قابىلداندى، دەپ حابارلايدى قازاقپارات ءتىلشىسى.

كەلىسىمنىڭ 3-قوسىمشاسىندا كورسەتىلگەن شەكارا ماڭىنداعى اۋماقتاردا تۇراتىن قازاقستان مەن رەسەي ازاماتتارىنىڭ شەكارانى كەسىپ ءوتۋى ءۇشىن جارامدى قۇجاتتار تىزبەسىنە وزگەرىستەر ەنگىزىلىپ وتىر. قولدانىستاعى كەلىسىمگە سايكەس، شەكارانى كەسىپ ءوتۋ كەزىندە قازاقستان ازاماتتارىنىڭ وزىمەن بىرگە جەكە كۋالىگى نەمەسە ءتولقۇجاتى، سونداي- اق ازاماتتاردى تىركەۋ كىتابىنان كوشىرمە بولۋى قاجەت. 2011 -جىلدان باستاپ قازاقستاندا ازاماتتاردى ازاماتتاردى تىركەۋدى ەسەپكە الۋ كىتابى الىنىپ تاستالدى. وسىعان بايلانىستى حاتتامانىڭ 1-بابىمەن وزگەرىستەر ەنگىزىلەدى، وعان سايكەس جەكە كۋالىككە شەكارا ماڭىنداعى اۋماقتىڭ ەلدى مەكەنىندە تۇراقتى تۇرعىلىقتى جەرى بويىنشا تىركەلگەنىن راستايتىن، ۋاكىلەتتى مەمورگان بەرگەن قۇجات (مەكەنجاي انىقتاماسى) قوسا ۇسىنىلۋى ءتيىس.

«قازاقستاننىڭ ىشكى زاڭناماسىندا ازاماتتاردى تىركەۋ كىتابىنىڭ كۇشىن جويۋىنا جانە مەكەنجاي انىقتاماسىنىڭ ەنگىزۋىنە وراي اتالعان كەلىسىمگە ءتيىستى وزگەرىستەر ەنگىزۋ قاجەتتىگى تۋىندادى. قازىرگى ۋاقىتتا اۋىلدىق اۋماقتاردىڭ بارلىق اكىمدەرىندە ينتەرنەت جەلىسىن قولدانۋ ارقىلى مەكەنجاي كۋالىگىن بەرەتىن مۇمكىندىگى بار. وسىعان بايلانىستى بۇل حاتتامانى قابىلداۋ قازاقستان- رەسەي مەملەكەتتىك شەكاراسىنىڭ ماڭىنداعى اۋماقتارىندا تۇراتىن قازاقستان ازاماتتارىنىڭ ءوتۋ ۇدەرىسىن جەڭىلدەتۋگە جانە تارتىپكە كەلتىرۋگە مۇمكىندىك بەرەدى» ، - دەدى قر سىرتقى ىستەر ءمينيسترىنىڭ مىندەتىن اتقارۋشى مارات سىزدىقوۆ.

ەكى ەل اراسىنداعى شەكارا 7500 شاقىرىمنان اسادى جانە الەمدەگى ەڭ ۇزىن شەكارالاردىڭ ءبىرى بولىپ سانالادى. قازىرگى ۋاقىتتا قازاقستان- رەسەي شەكاراسىندا 51 وتكىزۋ بەكەتى بار. ولاردىڭ 30 ى اۆتوكولىك، 20 سى تەمىرجول جانە تاعى بىرەۋى وزەن ارقىلى ىسكە اسىرىلادى.

ايتا كەتەيىك، رەسەي تاراپى 2019 -جىلى 12 - ساۋىردە حاتتامانىڭ كۇشىنە ەنۋى ءۇشىن قاجەتتى مەملەكەتىشىلىك راسىمدەر اياقتالعانىن حابارلادى.


باستى سوزدەر: سئرتقئ ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات