+7 (701) 759 90 19
-3 °С : نۇر-سۇلتان
-4 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

ەلوردادا ەۋرازيا پارلامەنت سپيكەرلەرىنىڭ كەڭەسى وتەدى

24 قىركۇيەك 09:49
:ءبولىسۋ
ەلوردادا ەۋرازيا پارلامەنت سپيكەرلەرىنىڭ كەڭەسى وتەدى

نۇر- سۇلتان. قازاقپارات - بۇگىن ەلوردادا «ۇلكەن ەۋرازيا: ديالوگ. سەنىم. سەرىكتەستىك» تاقىرىبىندا ەۋرازيا ەلدەرى پارلامەنتتەرى ءتوراعالارىنىڭ IV كەڭەسى جۇمىسىن باستايدى، دەپ حابارلايدى قازاقپارات ءتىلشىسى.

ەكى كۇنگە سوزىلاتىن پارلامەنتارالىق فورۋمعا ەۋروپا مەن ازيانىڭ 84 ەلىنەن پارلامەنت باسشىلارى، 16 حالىقارالىق جانە پارلامەنتارالىق ۇيىمداردىڭ باسشىلارى شاقىرىلعان. ءبىراق، 65 مەملەكەتتەن دەلەگات كەلەتىن بولدى. ونىڭ ىشىندە 43 دەلەگاتسيانى سپيكەرلەر وزدەرى باسقارادى. بۇل - سوڭعى 20 جىلدىڭ ىشىندەگى ەڭ جوعارى دەڭگەيدە ءوتىپ جاتقان پارلامەنت جيىنى. بيىل ول ەۋرازيا يدەياسىنىڭ 25 جىلدىعىنا ارنالىپ جاتىر.

حالىقارالىق شارا ەۋروپانىڭ جانە ازيانىڭ بەدەلدى پارلامەنتشىلەرىنىڭ قاتىسۋى زاماناۋي دامۋدىڭ كوكەيكەستى ماسەلەلەرىنە قاتىستى پىكىر الماسۋعا، سونداي- اق ەۋرازياداعى ومىرگە قابىلەتتى «امبەباپ جەڭىس» مودەلىنە كوشۋ ءۇشىن كورنەكى جانە پراكتيكالىق تاجىريبەلەر الۋعا مۇمكىندىك بەرەدى.

تالقىلاۋدىڭ ناتيجەسىندە ءتوراعالاردىڭ بىرلەسكەن مالىمدەمەسى قابىلدانباق. جالپى فورۋم ەۋرازيالىق كەڭىستىكتەگى جان- جاقتى ءوزارا ءىس- قيمىلدى جانە ىنتىماقتاستىقتى نىعايتۋعا، پارلامەنتارالىق بايلانىستار مەن ارىپتەستىكتى دامىتۋعا ىقپال ەتەتىن بولادى.

كەشە ق ر پارلامەنتى ءماجىلىسىنىڭ سپيكەرى نۇرلان نىعماتۋلين تۇركيا ۇلى ۇلتتىق جينالىسىنىڭ ءتوراعاسى مۇستافا شەنتوپ، بەلارۋس پارلامەنتى وكىلدەر پالاتاسىنىڭ سپيكەرى ۆلاديمير اندرەيچەنكو، كامبودجا پارلامەنتىنىڭ ءتوراعاسى حەنگ سامرين، رەسەي فەدەرالدىق جينالىسى مەملەكەتتىك دۋماسىنىڭ ءتوراعاسى ۆياچەسلاۆ ۆولودين جانە باسقا دا ارىپتەستەرىمەن كەزدەسۋ وتكىزگەن بولاتىن.

اۆتور مارلان جيەمباي



باستى سوزدەر: سئرتقئ ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات