مەملەكەت باسشىسى ا ق ش-تىڭ ساياسي جانە ساراپشى توپ وكىلدەرىمەن كەزدەسۋ وتكىزدى
كەزدەسۋ بارىسىندا مەملەكەت باسشىسى قازاقستان- امەريكا قارىم- قاتىناستارىنىڭ قازىرگى جاي- كۇيى مەن دامۋ پەرسپەكتيۆالارى، سىرتقى ساياساتتىڭ نەگىزگى باسىمدىقتارى، قازاقستاننىڭ ساۋدا- ەكونوميكالىق جانە ينۆەستيتسيالىق الەۋەتى تۋرالى ەگجەي- تەگجەيلى باياندادى
قاسىم- جومارت توقايەۆ ا ق ش- پەن ىنتىماقتاستىقتى ارتتىرۋ قازاقستان ءۇشىن اسا ماڭىزدى ەكەنىن اتاپ ءوتتى.
- ءبىز تۇڭعىش پرەزيدەنت نۇرسۇلتان نازاربايەۆتىڭ 2018 -جىلدىڭ قاڭتار ايىندا ا ق ش- قا جاساعان رەسمي ساپارى بارىسىندا قول جەتكىزگەن كەلىسىمدەرىنىڭ جۇزەگە اسىرىلۋىنا ەرەكشە ءمان بەرەمىز. بۇل ساپار ەكى ەل اراسىنداعى كەڭ اۋقىمدى ستراتەگيالىق ارىپتەستىكتىڭ نەگىزىن قالادى، - دەپ اتاپ ءوتتى قازاقستان پرەزيدەنتى.
مەملەكەت باسشىسى ا ق ش- تىڭ قازاقستان ەكونوميكاسىنىڭ ءىرى ينۆەستورلارىنىڭ ءبىرى ەكەنىن ەسكە سالدى. بۇگىندە امەريكالىق ينۆەستيتسيانىڭ جالپى كولەمى 45 ميلليارد دوللاردان اسقان.
سونداي- اق، قاسىم- جومارت توقايەۆ امەريكالىق ارىپتەستەرگە ەنەرگەتيكالىق سالاداعى ءبىرقاتار بىرلەسكەن جوبالاردىڭ تابىستى جۇزەگە اسقانى تۋرالى حاباردار ەتتى. سونىمەن قاتار، اۋىل شارۋاشىلىعى جانە جوعارى تەحنولوگيا سالالارى بويىنشا ءوزارا ءىس- قيمىلدى ارتتىرۋ ءۇشىن جاڭا مۇمكىندىكتەردىڭ بار ەكەنىنە نازار اۋداردى.
پرەزيدەنتتىڭ ايتۋىنشا، قازاقستان الداعى ۋاقىتتا دا امەريكالىق بيزنەس وكىلدەرىمەن ۇزاق مەرزىمدى ەكونوميكالىق بايلانىستاردى نىعايتۋعا نيەتتى.
ءوز كەزەگىندە امەريكالىق ارىپتەستەر ەكىجاقتى ىنتىماقتاستىق دەڭگەيىن جوعارى باعالاپ، قازاقستانمەن ءوزارا ءتيىمدى ستراتەگيالىق ىنتىماقتاستىقتى ودان ءارى نىعايتۋدىڭ الەۋەتى زور ەكەنىن اتاپ ءوتتى.
***
1961 -جىلى قۇرىلعان «اتلانتيكالىق كەڭەس» ا ق ش- تىڭ جەتەكشى ساراپتامالىق جانە عىلىمي ورتالىقتارىنىڭ ءبىرى سانالادى. كەڭەس ترانساتلانتيكالىق بايلانىستار، ينتەگراتسيالىق پروتسەستەر، قاۋىپسىزدىك جانە قورشاعان ورتا ماسەلەلەرىن زەرتتەۋمەن اينالىسادى.