جەتىستىكتىڭ قاراپايىم جولدارى
تابىستى ادامدار اينالاداعى بولىمسىز اسەرلەردى اسىپ ءوتىپ، ءجۇرىس-تۇرىسىندا ءوزى سەنىم ارتقان قۇندىلىقتاردى ورىندايتىن ادام دەۋگە بولادى. جاڭبىر جاۋىپ، داۋىل بولۋى نەمەسە كۇننىڭ اشىق بولۋى ولارعا ءسوز ەمەس. ويتكەنى ولاردىڭ ءوز ۇستانىمدارى بار. وسىنداي ۇستانىمدارى بار جانە كاسىبي تۇرعىدا تابىستى بولۋعا ءجون سىلتەگەن ىسكەرلەردىڭ ورتاق كەڭەستەرىن بىلايشا تىزبەكتەۋگە بولادى:
ۇنەمى كۇلىمدەپ ءجۇرىڭىز! ويتكەنى ادامدار اشىق ءجۇزدى، جايدارى ادامدارمەن جۇمىس ىستەگەندى ءجون سانايدى.
تازالىققا ءمان بەرىڭىز! شاشتىڭ تارالۋى، كيىمنىڭ ۇتىكتەلۋى، كيىمنەن تەر ءيىسى شىقپاۋى سەكىلدى ءجايتتارعا نەمقۇرايلى قاراماڭىز.
جۇمىسىڭىزعا ۋاقىتىلى كەلىڭىز جانە جۇمىسىڭىزدى بارىنشا ۇقىپتى، ءونىمدى جانە ۋاقىتىلى ورىنداڭىز.
بۇكىل جينالىستار مەن كەزدەسۋلەرگە ۋاقىتىلى كەلۋگە ءمان بەرىڭىز.
ارىپتەستەرىڭىزدەن تاجىريبە الماسىڭىز! قاي ماسەلەنى قالاي اتقارىپ جاتقاندىعىن ءبىلۋ ارقىلى ماڭىزدى، وڭتايلى شەشىمدەردى تابا الاسىز.
وي-ءورىسىڭىزدى كەڭەيتىڭىز. ءوز سالاڭىزعا قاتىستى سەمينارلارعا قاتىسىڭىز، بىلىكتىلىگىڭىزدى ارتتىرىڭىز. ءوزىڭىزدى جەتىلدىرىڭىز، تەحنولوگيالاردان حابارىڭىز بولسىن، جاڭالىقتارعا اشىق بولىڭىز.
كوركەم مىنەزدى بولىڭىز! قانداي ادام بولماسىن، ەشكىممەن ۇرىسپاۋعا، سالعىلاسپاۋعا تىرىسىڭىز!
ادال بولىڭىز. ءىس- ارەكەتتە، جۇمىس بارىسىندا، قارىم-قاتىناستا ادال، سەنىمدى بولىڭىز. سەنىمنەن شىققان جاعدايدا قايتا قالپىنا كەلتىرۋ وتە قيىن.
جۇمىستار دۇرىس جۇرمەگەن جاعدايدا نەمەسە قاتەلىككە جول بەرىلگەن كەزدە ەرتەرەك جوعارى لاۋازىمداعى وكىلگە حابار بەرىڭىز. ەرتەرەك شارا قولدانۋ ماسەلەنىڭ ودان ءارى شيەلەنىسۋىنىڭ الدىن الادى، بالكىم بۇل قاتەلىكتەن ۇتىمدى شىعۋعا سەپتىگىن تيگىزەدى.