ءۇي جانۋارلارىنان جۇعاتىن اۋرۋ تۇرلەرى

نۇر-سۇلتان. قازاقپارات - كوبىنە قالا تۇرعىندارى يت، مىسىق سەكىلدى ءۇي جانۋرالارىن ءوز پاتەرلەرىندە اسىرايدى. ولارمەن ويناپ، بىرگە تاماقتانىپ، كەيدە ءبىر كەرۋەتتە ۇيىقتايدى.

كەيدە ءۇي جانۋارلارىنا دەگەن «ماحابباتىمىزدىڭ» كەسىرىنەن ولاردىڭ بەلگىلى- ءبىر اۋرۋدىڭ تاراتۋى مۇمكىن ەكەندىگىن ۇمىتىپ كەتەمىز. زەرتتەۋشىلەر 500 گە جۋىق زەرتتەۋ جۇمىسىنان سوڭ، مىسىق، يت پەن ءۇي اتجالمانىنان (حومياك) ءجيى جۇعاتىن اۋرۋلاردى انىقتاعان.

اسقازاننىڭ قابىنۋى Campylobacter jejuni اتتى ديارەيا، جۇرەك اينۋ مەن قىزۋ تۋدىراتىن باكتەريا مىسىق نە ءيتتىڭ ءزارى ارقىلى تارايدى. باكتەريا ءتۇرى ادام اسقازانىنىڭ قابىنۋىنا الىپ كەلەدى.

بەزگەك ەگەر ءسىزدىڭ مىسىق تىرناپ السا، وندا جاراقاتقا Bartonella باكتەرياسى ءتۇسۋ مۇمكىندىگى جوعارى بولماق. ناتيجەسىندە قىزۋىڭىز كوتەرىلىپ، ليمفا تۇيىندەرىنىڭ ىسىگى تۋىندايدى.

باكتەريا بۇرگەنىڭ سىرتقى قاباتىندا ءومىر سۇرەدى، مىسىق تىرناعىنا قاسىنعان كەزدە تۇسەدى. سوندىقتان، مىسىق نە ءيتىڭىزدى ءجيى جۋىندىرىپ، ءۇستىن بۇرگەدەن قورعايتىن ارنايى دارىلەرمەن تازالاعانىڭىز ابزال.

دەرماتوميكوز بۇل ينفەكتسيانى ساڭىراۋقۇلاقتار تۋدىرادى جانە ونىڭ العاشقى بەلگىلەرى - دەنەدەدەگى قىزىل داقتار. مىسىقتار يتتەرگە قاراعاندا دەرماتوميكوزدى ءجيى تاسىمالدايدى.

ينفەكتسيا جاناسۋ ارقىلى بەرىلەدى. ەگەر ءۇي جانۋارىنىڭ تەرىسىنەن قىزىل داقتاردى بايقاساڭىز، بىردەن مال دارىگەرىنە بارىڭىز. پارازيتتەر ميكروسكوپيالىق پارازيتتەر (ىشەك ليامبلياسى، كريپتوسپوريديا) جانۋرالاردىڭ ءناجىسى مەن تەرىسىندە كەزدەسەدى. ەگەر پارازيتتەر جۇققان جاعدايدا، ديارەيا اۋرۋ تۋىندايدى. سول سەبەپتى، ءۇي جانۋارىمەن قىدىرىپ، ونىڭ جاتىن ورنىن تازالاعاننان كەيىن مىندەتتى تۇردە قولدى سابىنداپ جۋۋ كەرەك.

مەنينگيت Pasteurella multocida باكتەرياسى ليمفا ءتۇيىنىنىڭ ىسىگى، قىزۋ مەن مەنينگيتتىڭ پايدا بولۋىنا سەبەپ بولادى. باكتەريا مىسىق پەن ءيتتىڭ اۋىز قۋىسىندا ءومىر سۇرەدى. ءتىستىپ العان نەمەسە دەنەنى جالاعان جاعدايدا بەرىلەدى. ءۇي جانۋارلارى - ادامنىڭ ەڭ جاقىن دوستارى. دەسەك تە، تار پاتەردە اۋرۋدىڭ ءتۇر- ءتۇرىن جۇقتىرىپ الۋعا بولادى. سول سەبەپتى ءۇي جانۋارلارىن اۋلاسى بار ۇلكەن ۇيدە ۇستاعانىڭىز ءجون.

Massaget.kz