ەلباسى قىتايدىڭ حالىق قۇرىلتايى وكىلدەرى تۇراقتى كوميتەتىنىڭ توراعاسىمەن كەزدەستى
كەزدەسۋ بارىسىندا نۇرسۇلتان نازاربايەۆ قازاقستان مەن قىتاي حالىق رەسپۋبليكاسى اراسىنداعى قاتىناستاردىڭ ەرەكشە دوستىق سيپاتىن اتاپ ءوتتى.
- تاۋەلسىزدىك جىلدارىندا ءبىز قىتاي حالىق رەسپۋبليكاسىمەن ەڭ جاقىن دوستىق قاتىناستار ورناتتىق. ءبىزدىڭ قاتىناستارىمىز باسقا ەلدەر ءۇشىن تاتۋ كورشىلىكتىڭ ۇلگىسى بولىپ تابىلادى. ءتوراعا شي جينپيڭمەن ەرەكشە قارىم-قاتىناستامىن جانە مەن ونى وتە جوعارى باعالايمىن، - دەدى ەلباسى.
قازاقستاننىڭ تۇڭعىش پرەزيدەنتى مەملەكەتارالىق قاتىناستاردى نىعايتۋ ىسىندە ەۋرازيا ەلدەرى پارلامەنتتەرى سپيكەرلەرىنىڭ IV كەڭەسىنىڭ ەرەكشە ماڭىزدىلىعىن اتاپ ءوتتى.
ءوز كەزەگىندە لي جانشۋ نۇرسۇلتان نازاربايەۆقا ق ح ر ءتوراعاسى شي جينپيڭنىڭ جىلى لەبىزدەرىن جەتكىزدى.
سونىمەن قاتار، ب ح ءو ج تۇراقتى كوميتەتىنىڭ ءتوراعاسى قازاقستان پرەزيدەنتىمەن، سونداي-اق ق ر پارلامەنتى سەناتى مەن ءماجىلىسىنىڭ سپيكەرلەرىمەن وتكەن كەلىسسوزدەردىڭ ناتيجەلەرىنە توقتالدى.
- ءبىز جاقسى كەلىسسوزدەر جۇرگىزدىك. نۇرسۇلتان ءابىش ۇلى، ءسىز بەن قىتاي باسشىلىعى نەگىزىن قالاعان قىتاي مەن قازاقستان اراسىنداعى قاتىناستار جاڭا جاعدايلاردا ودان ءارى دامي تۇسەتىنى تۋرالى كەلىسىمگە قول جەتكىزىلدى، - دەدى لي جانشۋ.
