20:06, 23 - قىركۇيەك 2019 | GMT +6
باياناۋىلداعى ءورت: وبلىس اكىمى تىكۇشاقتان تۇسىرىلگەن ۆيدەونى جاريالادى
نۇر-سۇلتان. قازاقپارات - پاۆلودار وبلىسىنىڭ اكىمى بولات باقاۋوۆ باياناۋىل ۇلتتىق پاركىندەگى الاپات ءورتتىڭ تىكۇشاقتان تۇسىرىلگەن ۆيدەوسىن Instagram پاراقشاسىندا جاريالادى، دەپ حابارلايدى قازاقپارات.
«كەشە باياناۋىلدا ءورت شىققاندىعى تۋرالى حابار كەلدى. كۇندىز ءورت ءسوندىرۋ شتابىن جاساقتاپ، كەشكە ۇلتتىق ساياباق تەرريتورياسىندا بولدىم. سالقىن جەل مەن تاۋلى ايماق جاعدايى ءورت ءسوندىرۋ جۇمىستارىنا ءوز كەدەرگىلەرىن كەلتىرسە دە، تاڭەرتەڭ ءتىلسىز جاۋ تولىعىمەن اۋىزدىقتالدى» دەپ جازدى اكىم.
وبلىس باسشىسى كەلتىرگەن مالىمەتكە ساي، قازىرگى ساتتە اۋىل حالقى مەن ولاردىڭ شارۋاشىلىعىنا تيەر قاۋىپ جوق. ⠀
ايتا كەتەيىك، بۇعان دەيىن پاۆلودار وبلىسىنىڭ اكىمى بولات باقاۋوۆ پەن وبلىستىق توتەنشە جاعدايلار دەپارتامەنتىنىڭ باستىعى ەرنۇر وتەگەنوۆ ءورت شىققان ورىنعا مونيتورينگ جۇرگىزۋ ماقساتىندا ق ر ت ج ك «قازاۆياقۇتقارۋ» قىزمەتىنىڭ م ي-171 بورتىمەن ارالاپ شىققانىن حابارلاعان بولاتىنبىز.
اۆتور: ەربول جانات