الماتىلىق قىزدى وڭتۇستىك كورەياعا جىنىستىق قۇلدىققا جىبەرمەك بولعان ادام ۇستالدى

الماتى. قازاقپارات - الماتىدا 24 جاستاعى قىزدى وڭتۇستىك كورەياعا جىنىستىق قۇلدىققا ماجبۇرلەپ جىبەرمەك بولعان كەلىنشەك ۇستالدى، دەپ حابارلايدى قازاقپارات ءتىلشىسى.

قالالىق پوليتسيا دەپارتامەنتىنىڭ باسپا ءسوز قىزمەتى حابارلاعانداي، پوليتسياعا ايەل ادام جۇگىنگەن.

ونىڭ ايتۋىنشا، 24 جاستاعى قىزىن وزگە ءبىر ايەل وڭتۇستىك كورەياعا جىنىستىق قىزمەت جاساۋعا ماجبۇرلەگەن ەكەن.

«بۇل دەرەك ق ر ق ك 308-بابىمەن سوتقا دەيىنگى ءبىرىڭعاي تەرگەۋ ءىسى رەەسترىنە تىركەلدى. ءبىزدىڭ بولىمشە قىزمەتكەرلەرى جەدەل شارالاردى اتقارىپ، ناتيجەسىندە 31 جاستاعى ايەل ۇستالدى. قازىر كۇدىكتى قاماۋدا وتىر. تەرگەۋ جۇمىستارى بارىسىندا ايەلدەردى شەتەلگە جىبەرۋ تەتىگى مەن وعان قاتىستى ادامدار انىقتالادى»، - دەدى قالالىق پوليتسيا دەپارتامەنتىنىڭ كريمينالدى پوليتسيا باسقارماسىنىڭ باسشىسى ەسەن ىسقاقوۆ.

اۆتور: گۇلميرا عوسمانالي