ەلدى قۇتقارۋعا تىرىسپا

نۇر-سۇلتان. قازاقپارات - ولارعا سول ءومىرى ۇنايدى. وتىزدان اسقان جىگىتكە اناسىنىڭ موينىندا وتىرعان ۇنايدى.

شەشەم ەشقايدا جىبەرمەيدى، ومىرىمە ارالاسا بەرەدى دەپ شاعىمدانىپ ءوتۋ - ىڭعايلى. ول ەسەيگىسى كەلمەيدى. ءوزى ءۇشىن جاۋاپكەرشىلىك العىسى كەلمەيدى.

شەشەگە انالىق ماحابباتىن بۇلداۋ - ىڭعايلى. ەلدىڭ ءوزىن قولداعانى، اياۋشىلىق تانىتقانىنا ريزا. بالا كۇتۋشىسىن جالداماي، بالانى ءوزى باعىپ، سوسىن ءوزىن دۇنيەنىڭ تۇتقاسىن ۇستاعان قاھارمان سەزىنۋ - ىڭعايلى. بالانىڭ ءار باسقان قادامىن قاداعالاپ، مازالايدى، وعان سەنىم ارتا المايدى.

ەركەكتەرگە بىردەن بىرنەشە ايەلمەن كەزدەسكەن ىڭعايلى. ەكەۋىنىڭ ءبىرىن تاڭداي المايمىن دەپ جالتارادى. ەكەۋى ءبىر-ءبىرىن تولىقتىرادى دەپ اقتالادى. شىن مانىندە ءبىر ايەلدى تولىق تانۋعا، شىن سۇيۋدەن قاشۋ عانا. شەشىم قابىلداۋدان باسىن الىپ قاشۋ.

القاش كۇيەۋدەن تاياق جەپ ءومىر ءسۇرۋ - ىڭعايلى. ەلدىڭ كوزىنشە باقىتتى وتباسىمىز دەپ ماقتانۋ. بۇل دا ەشبىر شەشىم قابىلداماي ءومىر ءسۇرۋدىڭ قالىبى.

سەنەن باسقانىڭ ءبارى شەتىنەن ساناسىز دەۋ - ىڭعايلى. وزگەلەردى جاقسى بىلەتىندەي، اينالاڭدا نە بوپ جاتقانىن تولىق تۇسىنەتىندەي كەيىپ تانىتاسىڭ.

انامدى رەنجىتكىم كەلمەيدى دەپ ءوزىڭ قالاعان ءومىردى ءسۇرۋدى باستاعىڭ كەلمەسە، مۇنىڭ سىلتاۋ عانا.

ءوزىڭنىڭ شەكاراڭدى كورسەتپەي، جۇرتتىڭ ءبارى مەنى پايدالانادى دەپ بايبالام سالۋ دا - ىڭعايلى.

اياق استىنان اۋىرىپ قالىپ، ەڭ ماڭىزدى شەشىمدى قابىلداماي تاستاۋ دا - ىڭعايلىلىق.

جۇمىستى جاقسى كورمەيمىن دەپ ايتىپ الىپ، ەركىن ومىردەن قورقۋىڭ دا ىڭعايلى ومىردەن كەتە الماۋىڭ. جاڭا ءومىردىڭ ءدامىن سەزىنبەي وتەسىڭ.

وزگەلەر ءۇشىن ءبارىن ىستەپ، بۇلار تۇك بىلمەيدى دەۋ - ىڭعايلى. ۇنەمى سولاردى باقىلاۋمەن ۋاقىت وتكىزەسىڭ.

ەشكىم مويىنداماعان دارىن اتانۋ دا ىڭعايلى. جۇرتتىڭ ءبارىن سىناپ، ءوزىڭ الەۋمەتتىك جەلىدە تەك پىكىر جازىپ، اركىمنىڭ ءسوزىن بولىسۋمەن شەكتەلۋ دە - ىڭعايلى.

ەشقانداي ترەنينگ، ەشبىر پسيحولوگيا ماعان كومەكتەسپەيدى، مۇنىڭ ءبارىن بىلەم دەۋگە سالىنۋ دا - ىڭعايلى. سوندا باسقاشا جاساۋ دەگەن قورقىنىشتى باستان كەشپەيسىڭ. ءوزىڭدى ەرەكشە سەزىنۋ سەزىمى قالادى. وتە كۇردەلى جاعداي. سولاي دەۋمەن مويىندالساڭ، ءتىپتى قيىن.

اينالاڭداعى ەلدى قۇنسىزداندىرماعىن.

ولارعا سولاي ىڭعايلى.

ىڭعايسىزدىق سەزىنگەن ەل جاڭا جول ىزدەپ ءجۇر. پسيحولوگتارمەن جۇمىس جاسايدى. نە باسقا جاقتان قولداۋ تاۋىپ، شەشىم قابىلداۋدى ۇيرەنەدى. ءومىرىن وزگەرتىپ جاتىر.

قۇتقارىلعىسى كەلمەيتىندەردى قۇتقارۋدان گورى پايدالىراق ءىس ىستەگىڭ كەلسە، نەگە بوتەن ادامداردى قۇتقارعىڭ كەلەتىنىن ءبىر ءسات ويلاشى؟

ءوز ءومىرىن، ءوزىن باسى ءبۇتىن وزگەرتىپ جاتقان ادامدار كوپ. ولارعا ەسكىشە ءومىر سۇرگەن ىڭعايسىز بولدى. ىڭعايسىزدىقتان شارشاعاندار ءومىرىن سەنسىز دە وزگەرتەدى.

كريستينا حرويانكا

اۋدارعان شىنار ءابىلدا