كەي ادام ىشىمدىك ىشپەي- اق ماس بولۋى مۇمكىن: عالىمدار مۇنىڭ سەبەبىن ءتۇسىندىردى

نۇر- سۇلتان. قازاقپارات - قىتاي عالىمدارى ءبىر تامشى الكوگول ىشپەستەن ادام نەگە ماس بولاتىنىن ءتۇسىندىردى.

ماماندار بۇل جاعدايعا Klebsiella پنيەۆمونيا ىشەك باكتەرياسى سەبەپشى بولۋى مۇمكىن دەپ تاپتى. عالىمدار بۇل باكتەريانىڭ ساۋ ادامنىڭ قانىندا الكوگول دەڭگەيىن جوعارىلاتىنىن انىقتادى.

بەيجىڭ تۇرعىنىنىڭ باسىندا وسىنداي جاعداي بولدى. ەر ادام تەك ءتاتتى الكوگولسىز سۋسىنداردى ىشەدى، ءبىراق ول ءجيى ماس بولادى. ونىڭ باۋىرىندا قابىنۋ پايدا بولعان جانە ىشىمدىك ىشەتىندەردىكى سياقتى مايى كوپ بولعان. تالداۋ كورسەتكەندەي، قىتايلىق ازاماتتىڭ قانىنداعى الكوگول ەكى ساعات ىشىندە ءۇش ستاكان شاراپ ىشكەندەي كۇيدە. كەيىن ونىڭ سەبەبى ءتاتتى سۋسىنداردى ىشكەننەن ەكەنى بەلگىلى بولدى.

دارىگەرلەر K.pneumoniae تۇرلەرىنىڭ ىشەك باكتەريالارى دەڭگەيىنىڭ 900 ەسە ارتقاندىعىن انىقتادى.

زەرتتەۋدىڭ جەتەكشى اۆتورى جين يۋاننىڭ ايتۋىنشا، ساراپشىلار توبى K. pneumoniae باكتەرياسىنىڭ باۋىردىڭ مايلانۋىنا اسەرىن دالەلدەۋ ءۇشىن كەمىرگىشتەرگە ەكسپەريمەنت وتكىزدى. كەمىرگىشتەرگە ءۇش اي بويى وسى باكتەريا بار تاماق بەرىلىپتى. ءبىرىنشى ايدىڭ سوڭىندا ولار باۋىردىڭ الكوگولسىز ماي اۋرۋىن دامىتا باستادى، ەكىنشى ايدىڭ اياعىندا - باۋىردا تىرتىقتار پايدا بولدى. ولارعا K. pneumoniae ولتىرەتىن انتيبيوتيكتەر بەرىلە باستاعاندا، ولاردىڭ جاعدايى جاقساردى.

وسىعان قاراماستان، كەيبىر ادامدار اعزاسىنداعى ارتىق باكتەريالاردىڭ پايدا بولۋ سەبەپتەرى تۋرالى سۇراق بەلگىسىز كۇيىندە قالىپ وتىر. قىتاي عالىمدارى وسى تاقىرىپ بويىنشا جۇمىستى جالعاستىرۋعا نيەتتى.