باتىر جۇكەمبايەۆ كاناداداعى بوكس كەشىندە ەكى تيتۋل ءۇشىن ايقاسادى

نۇر-سۇلتان. قازاقپارات - قازاقستاندىق كاسىپقوي بوكسشى باتىر جۇكەمبايەۆ (16-0، 13 ك و) كانادانىڭ كۆەبەك پروۆينتسياسىنداعى مونرەال قالاسىندا 23- قىركۇيەكتە وتەتىن جەكپە-جەگىنە قىزۋ دايىندالىپ جاتىر، دەپ حابارلايدى قازاقپارات ءتىلشىسى.

تولىقتىرىپ ايتا كەتسەك، جۇكەمبايەۆ كەلەسى ايقاسىن مەكسيكالىق 32 جاستاعى ميگەل ۆاسكەسقا (41-8، 15 ك و) قارسى وتكىزەتىنىن بۇعان دەيىن حابارلاعان بولاتىنبىز. مەكسيكا بوكسشىسى 2010-2014-جىلدار ارالىعىندا جەڭىل سالماقتا IBF تۇجىرىمى بويىنشا الەم چەمپيونى بولعان. ءبىرىنشى ورتا سالماقتاعى جەكپە-جەك 10 راۋندتان تۇرادى.

«BoxRec.com اقپاراتىنا سايكەس، اتالعان ايقاستا WBA Continental جانە IBF Inter- Continental نۇسقاسى بويىنشا ۆاكانتتى تيتۋلدار ساراپقا سالىنادى»، - دەپ حابارلاندى بۇگىن «قازاقستان كاسىپقوي بوكسى» فەدەراتسياسىنان.

ايتا كەتەيىك، 26- قىركۇيەكتە وتەتىن بوكس كەشىندە تاعى ءبىر قازاقستاندىق سپورتشى امان قازانعاپوۆ (0-0-1) شارشى الاڭعا شىعادى.

اۆتور:ايان بەكەن ۇلى