مەملەكەت باسشىسى ا ق ش- قا جۇمىس ساپارىمەن باردى

نيۋ-يورك. قازاقپارات - مەملەكەت باسشىسى قاسىم-جومارت توقايەۆ امەريكا قۇراما شتاتتارىنا جۇمىس ساپارىمەن باردى، دەپ حابارلايدى قازاقپارات 24.kz سىلتەمە جاساپ.

ق ر پرەزيدەنتى نيۋ-يوركتە وتەتىن بىرىككەن ۇلتتار ۇيىمى باس اسسامبلەياسىنىڭ 74-سەسسياسىنا قاتىسادى. ساپار 5 كۇنگە جالعاسادى دەپ جوسپارلانىپ وتىر. ونىڭ اياسىندا كوپتەگەن شەت مەملەكەتتەردىڭ باسشىلارىمەن ەكى جاقتى كەزدەسۋلەر وتەدى.

ودان بولەك قاسىم-جومارت توقايەۆتىڭ ب ۇ ۇ- نىڭ باس حاتشىسى انتونيۋ گۋتەرريشپەن، ءبىرقاتار مەملەكەت جانە ۇكىمەت باسشىلارىمەن، حالىقارالىق ۇيىم جەتەكشىلەرىمەن، امەريكالىق بيزنەس، ترانسۇلتتىق كومپانيا وكىلدەرىمەن، ا ق ش- تىڭ ساياسي ءارى ساراپشى توپ مۇشەلەرىمەن كەزدەسۋى جوسپارلانعان.

ايتا كەتەيىك، پرەزيدەنتتىڭ ا ق ش- قا كەلۋى قارساڭىندا امەريكالىق بەدەلدى باسىلىم «The Hill» گازەتىندە ونىڭ ماقالاسى جارىق كوردى.