ەنەرگەتيكا مينيسترلىگى مۇناي وڭدەۋ كولەمىن ارتتىرۋدىڭ كەلەسى قادامىن اتادى

نۇر- سۇلتان. قازاقپارات - قازاقستانداعى ەكى مۇناي وڭدەۋ زاۋىتىنا تەحنيكالىق قىزمەت كورسەتۋ مەن قۇرىلعىلاردى جوندەۋ جوباسى ەنگىزىلەدى.

جاڭا جۇيەنىڭ ارتىقشىلىقتارىن «ورتالىق ازياداعى مۇناي وڭدەۋ مەن مۇناي حيمياسى» اتتى حالىقارالىق كونفەرەنسيادا ەنەرگەتيكا ۆيتسە- ءمينيسترى مۇرات جۇرەبەكوۆ اتادى، دەپ حابارلايدى قازاقپارات ءتىلشىسى.

«قازاقستان قازىرگى تاڭدا مۇناي وڭدەۋ سالاسىن دامىتپاسا - بۇل باعىتتا ارتتا قالعان ەلگە اينالارى ءسوزسىز. مىنەكەي، وسى سەبەپتى، ەلىمىز كاپيتال تارتۋدا دامىعان ەلدەردىڭ تاجىريبەسىنە سۇيەنىپ، جەكە زاڭنامالىق بازاسىن دامىتۋدى، ينۆەستورلارعا تارتىمدى ۇسىنىس جاساۋدى كوزدەيدى. بۇكىل الەمدىك Doing Business-2018 بانكىنىڭ رەيتينگى بويىنشا، قازاقستان 196 ەلدىڭ ىشىندە 28- ورىندا. ءبىز الداعى ۋاقىتتا دا قازاقستاننىڭ گەوگرافيالىق تۇرعىداعى ارتىقشىلىعىن پايدالانامىز»، - دەدى ۆيتسە- مينيستر.

مۇرات جۇرەبەكوۆتىڭ ايتۋىنشا، قازاقستان ءوز ىشىندەگى اتىراۋ، شىمكەنت پەن پاۆلودار م ءو ز- دەرىن جاڭعىرتۋدىڭ ارقاسىندا جەرگىلىكتى نارىقتى 100 پايىزعا جانارمايمەن قامتىپ وتىر.

«سيفرلاندىرۋ اياسىندا ءبىز جاقىن ارادا اتىراۋ مەن شىمكەنت مۇناي وڭدەۋ زاۋىتتارىنا تەحنيكالىق قىزمەت كورسەتۋ مەن قۇرىلعىلاردى جوندەۋ جوباسىن ەنگىزۋدى جوسپارلاپ وتىرمىز. بۇل جۇيە پروفيلاكتيكالىق تەكسەرىستەر مەن جوندەۋ جۇمىستارىن باسقارىپ، م ءو ز- ءدىڭ ءۇش جىلدىق جوندەۋ ارالىق كەزەڭىنە وتۋگە مۇمكىندىك بەرەدى»، - دەدى ول.

ۆيتسە- ءمينيستردىڭ ايتۋىنا قاراعاندا، وسى جۇيەنى ەنگىزۋدىڭ ارقاسىندا قۇرىلعىلاردىڭ قىزمەت ەتۋ قىزمەتى 8-10 پايىزعا ارتىپ، جوندەۋگە كەتەتىن شىعىن 10 پايىزعا ازايادى، مۇناي وڭدەۋ كولەمى جىلىنا شامامەن 300 مىڭ تونناعا ارتادى.

اۆتور: ايان بەكەن ۇلى