اش قارىندا شەشىم قابىلداۋعا بولمايدى - الەمدىك باسپا سوزگە شولۋ
ساۋد ارابياسى مۇناي شابۋىلدارىنا جاۋاپ قايتاراتىنىن ايتتى - ВВС
ساۋد ارابياسى مۇناي ورىندارىنا بولعان شابۋىلعا «ءتيىستى شارالارمەن» جاۋاپ قايتاراتىنىن مالىمدەدى. سىرتقى ىستەر ءمينيسترى حابارلاعانداي، قولدانىلعان قارۋ يراندىكى بولىپ شىققان جانە تەرگەۋ ناتيجەلەرى جاقىندا جاريالانادى، دەپ حابارلايدى ВВС.
باسىلىمىنىڭ حابارلاۋىنشا، يران مۇناي ورىندارىنا جاسالعان شابۋىلعا قاتىسى بار ەكەنىن جوققا شىعاردى. ال ساۋد ارابياسىنىڭ سىرتقى ىستەر ءمينيسترى تەرگەۋ جۇمىستارى اياقتالعاننان كەيىن «ءتيىستى شارالار» قابىلدايتىنىن جەتكىزدى.
«مۇناي وبەكتىسىنە شابۋىل سەمەننەن ەمەس، سولتۇستىكتەن جاسالدى. ساۋد ارابياسى الەم ەكونوميكاسىنا كەرى اسەرىن تيگىزگەن بۇل وقيعاعا جاۋاپتى حالىقارالىق قاۋىمداستىقتى وسى ارەكەت ءۇشىن جاۋاپكەرشىلىكتى ءوز موينىنا الۋعا شاقىرامىز»، دەدى ول جۋرناليستەر الدىندا.
ساۋد ارابياسىنىڭ قورعانىس مينيسترلىگى وقيعا ورنىنان يرانعا تيەسىلى راكەتالار تاپقانىن حابارلادى. ا ق ش- تا بۇل وقيعاعا يراندى كىنالاپ، پرەزيدەنتى دونالد ترامپ يرانعا قارسى سالىناتىن سانكسيالار جايلى ايتتى.
اش قارىندا شەشىم قابىلداۋعا بولمايدى - Die Welt
«قارنىڭ اشىپ تۇرعان كەزدە سۋپەرماركەتتەن ساۋدا جاساۋ جاقسى يدەيا ەمەس ەكەنى ءجيى ايتىلىپ ءجۇر. عالىمداردىڭ ايتۋىنشا، اش قارىنعا، ءتىپتى، شەشىم قابىلداۋ دا دۇرىس ەمەس» ، دەيدى نەمىس باسىلىمى Die Welt.
«داندي ۋنيۆەرسيتەتىنىڭ پسيحولوگتارى بەندجامين ۆينسەنت پەن دجوردان سكرىنكا ەلۋ ادامعا ەكسپەريمەنت جۇرگىزدى. قاتىسۋشىلار قارنى توق كەزدە جانە ون ساعاتتىق اشىعۋدان كەيىن سۇراقتارعا جاۋاپ بەردى. مىسالى، ولاردان قازىر اقشا نەمەسە تاماق كەرەك پە نەمەسە ءبىراز ۋاقىتتان كەيىن ەكى ەسەلەنىپ الۋعا دايىنسىڭ با دەگەن سۇراقتار قويىلدى»، دەپ جازادى باسىلىم.
اۆتوردىڭ ايتۋىنشا، قارنى اش قاتىسۋشىلار قىسقامەرزىمدى ارەكەتتەردى تاڭداعان. «قارنى توق قاتىسۋشىلار ەكى ەسەلەنگەن سىيلىق الۋ ءۇشىن وتىز بەس كۇن كۇتۋگە دايىن بولعان، ال قارنى اش ادامدار تەك ءۇش كۇن كۇتە الاتىنىن ايتقان»، دەيدى پسيحولوگ ۆينسەنت.
ونىڭ ايتۋىنشا، اش ادام تەك قازىرگى ءساتىن عانا ويلايدى.
«الداعى ۋاقىتتا ارتىقشىلىق بەرە الاتىن شەشىمدەرگە ەمەس، قازىرگى كۇنگە باسا نازار اۋدارۋ قارجىلىق شەشىم قابىلداعاندا ەرەكشە ماڭىزدى. ال بالالىق شاقتا ءوزىن باقىلاي العان بالالار ومىردە ۇلكەن جەتىستىكتەرگە جەتكەن»، دە ءيدى ول.
ا ق ش تۇرعىنىنىڭ قانى كوك ءتۇستى بولىپ كەتتى - CNN
اۋىرسىنۋدى باساتىن ءدارىنى كوپ مولشەردە قابىلداعان امەريكالىق ازاماتشانىڭ قانى كوك ءتۇستى بولىپ كەتتى، دەپ جازادى CNN.
«ءتىسى اۋرعان كەز كەلگەن ادام اۋىرسىنۋدى باسۋدى عانا قالايدى امەريكا قۇراما شتاتتارىنىڭ 25 جاستاعى تۇرعىنى دا سونى قالادى. دەگەنمەن، ول ۇيىقتار الدىندا اۋىرسىنۋدى باساتىن ءدارىنى تىم كوپ مولشەردە قابىلداعان»، دەپ جازادى باسىلىم.
اۆتوردىڭ حابارلاۋىنشا، تاڭەرتەڭ ول السىزدىك سەزىنىپ، دارىگەرگە بارعان. دارگەرلەر ودان قان الىپ، قاننىڭ قويۋ كوك ءتۇستى ەكەنىنە تاڭعالعان. ناۋقاستىڭ تىرناقتارى دا كوك ءتۇستى بولعان.
«بۇعان اۋىرسىندى باساتىن ءدارى اسەر ەتكەن. سەبەبى مۇنداي دارىلەر قۇرامىندا بەنزوكاين بار. ناۋقاستىڭ قانىندا كيسلورود % 67 بولعان، نەگىزىنەن % 95-100 بولۋى ءتيىس. سول سەبەپتى قان ءتۇسى وزگەرگەن»، دەپ جازادى اۆتور.
ءۇندىستاندا ءتورت اياعى، ءۇش قولى بار بالا دۇنيەگە كەلدى - The Mirror
ءۇندىستاننىڭ تونكا قالاسىندا ءتورت اياعى، ءۇش قولى بار قىز بالا دۇنيەگە كەلدى. دارىگەرلەردىڭ ايتۋىنشا، ەگىز ۇل مەن قىزدى دۇنيەگە الىپ كەلگەن جيرىما ءتورت جاستاعى ايەل نەگىزى ۇشەم تۋۋى كەرەك بولعان، دەپ جازادى The Mirror باسىلىمى.
«نەگىزى، ايەل ۇشەم تۋۋى كەرەك بولعان. ءبىراق ەكى ۇرىق ءتىرى قالىپ، بىرەۋى قىزعا كىرىگىپ كەتكەن. ارتىق قول مەن اياق قىزدىڭ ىشىندە ورنالاسقان. سونىمەن قاتار بالانىڭ وكپەسىندە دە كىنارات بار. دارىگەرلەردىڭ ايتۋىنشا، وپەراتسيا ارقىلى ارتىق قول مەن اياقتى الىپ تاستاۋ شارالارى قاراستىرىلىپ جاتىر»، دەپ جازادى باسىلىم.
اۆتور: ايكۇمىس بولاتبەك