قىتايلىق تاراپپەن قازاقستاننىڭ ترانزيتتىك- كولىك الەۋەتىن دامىتۋ كەلەشەگى تالقىلاندى
ق ر پرەمەر- ءمينيسترى اسقار مامين ق ح ر بۇكىل قىتايلىق حالىق وكىلدەرى جينالىسىنىڭ (ب ح ءو ج) تۇراقتى كوميتەتىنىڭ ءتوراعاسى لي جاڭشۋمەن «استانا» حالىقارالىق قارجى ورتالىعىنىڭ (ا ح ق و) الاڭىندا كەزدەستى.
ۇكىمەت باسشىسى قىتاي پارلامەنتىنىڭ باسشىسىمەن «نۇرلى جول» قازاقستاندىق باعدارلاماسىن جانە «ءبىر بەلدەۋ - ءبىر جول» قىتاي باستاماسىن قوسارلاۋ اياسىنداعى ىنتىماقتاستىقتىڭ ودان ارعى پەرسپەكتيۆالارىن، ونىڭ ىشىندە قازاقستاننىڭ ترانزيتتىك- كولىك الەۋەتىن دامىتۋ كەلەشەگىن تالقىلادى.
ا ح ق و باسقارۋشىسى ق. كەلىمبەتوۆ ق ر پرەمەر- ءمينيسترى مەن ب ح ءو ج ت ك ءتوراعاسىن «ءبىر بەلدەۋ - ءبىر جول» باستاماسى اياسىنداعى ا ح ق و جۇمىسىمەن، سونداي- اق ا ح ق و بيرجاسىنىڭ، سوتى مەن حالىقارالىق اربيتراج ورتالىعىنىڭ دامۋىمەن تانىستىردى.
«ا ح ق و - قازاقستاننىڭ ءىرى جوبالارىنىڭ ءبىرى. ول ايماقتاعى جەتەكشى قارجى ورتالىعىنا اينالۋى ءتيىس»، - دەدى ا. مامين ءوز سوزىندە.
ق ح ر اتىنان ا ح ق و- عا قاتىسۋشى - قىتاي قۇرىلىس بانكىنىڭ، شاڭحاي قور بيرجاسىنىڭ، «سيتيك سەكيۋريتيز» كومپانياسىنىڭ، قىتاي مەملەكەتتىك دامۋ بانكىنىڭ وكىلدەرى ا ح ق و الاڭىنداعى قازاقستاندىق- قىتاي ىنتىماقتاستىعىنىڭ جاي- كۇيى مەن پەرسپەكتيۆالارى تۋرالى، ونىڭ ىشىندە قىتاي يۋانىمەن وپەراتسيالار جۇرگىزۋ ءۇشىن ەسەپتەۋ- كليرينگ ورتالىعىن قۇرۋ جايلى ايتىپ بەردى.