دۇرىس تاماقتانباۋ سوقىرلىققا الىپ كەلۋى مۇمكىن - زەرتتەۋ
ماقالا اۆتورىنىڭ ايتۋىنشا، قۋىرىلعان كارتوپ، چيپسى، اق نان مەن شۇجىق قانا تۇتىنعان جاس ءوسپىرىم سوقىر بولىپ قالعان.
«14 جاسىندا بۇل بالا دارىگەرلەرگە ءجيى شارشاپ، السىزدىك سەزىنەتىنىن ايتىپ شاعىمدانعان. وعان B12 دارۋمەنى جەتىسپەيتىنى انىقتالىپ، باسقا ەش پروبلەما تابىلماعان. سول سەبەپتى بالاعا تەك B12 دارۋمەنىنىڭ ينەكسياسى مەن ديەتولوگ مامانعا قارالۋ ۇسىنىلعان»، دەپ جازادى باسىلىم.
ۆتوردىڭ ايتۋىنشا، ءبىر جىلدان كەيىن بالانىڭ بويىندا B12 دارۋمەنى سول كۇيىندە قالعان جانە كوزىنىڭ كورۋى ناشارلاي باستاعان. ماماندار بالانىڭ سوقىرلىعىنا ونىڭ تۇتىنعان ديەتاسى اسەر ەتتى دەگەن قورىتىندىعا كەلدى»، - دەپ جازادى باسىلىم.
اۆتور ماقالادا كەدەيلىك كەڭ تاراعان جەرلەردە دۇرىس تاماقتانباۋ كەسىرىنەن پايدا بولعان سوقىرلىق جاعدايلارى ءجيى كەزدەسەتىنىن ايتقان. ال دۇرىس تاماقتانباۋ كەسىرىنەن پايدا بولعان سوقىرلىق بالالار اراسىندا وتە سيرەك كەزدەسەدى.
«كوزدىڭ كورۋى ناشارلاي باستاعاندا ونى قالپىنا كەلتىرۋگە بولادى. ءبىراق اتالمىش جاعدايدا بالا بىرنەشە جىل بويى دۇرىس تاماقتانباعان»، - دەيدى ماماندار.