مي يمپلانتتارى ويلانۋدىڭ بولاشاعى ما؟
بۇل تاريحي وقيعا بولعانىمەن، مامانداردىڭ ايتۋىنشا، يمپلانت ميعا ورنالاستىرىلعاندىقتان، كەرى رەاكسيا دا بولادى ءارى ۋاقىت وتە كەلە سيگنالدار دا السىرەي بەرەدى.
«بۇكىل الەم بويىنشا مۇنداي يمپلانت تەك ون ادامعا سالىنعان. ال شىلدە ايىندا يلون ماسك Neuralink كومپانياسى قۇراستىرىپ جاتقان يمپلانتتاردى تانىستىرعان ەدى. قازىر بۇل يمپلانتتار مايمىلدارعا قوندىرىلعان، ال 2020-جىلدىڭ سوڭىندا ادامعا سالىنا باستايدى. Neuralink كومپانياسىنا 158 ميلليون دوللار قارجى سالىنعان»، - دەلىنگەن ماقالادا.
دەگەنمەن، ۇلى بريتانيانىڭ پاتشالىق قاۋىمداستىعى نەيرون ينتەرفەيسىنىڭ تەحنولوگيالارىن قولدانۋ جانە رەتتەۋدىڭ جۇيەسى قاجەت ەكەنىن مالىمدەدى.
«ميدىڭ مالىمەتتەرى كىمگە تيەسىلى؟ ولار قانداي ماقساتتا قولدانىلۋى مۇمكىن؟ ءۇشىنشى تاراپ ميدى باسقارۋ مۇمكىندىگىنە يە بولا الا ما؟ يمپلانتتاردى حاكەرلەر بۇزا الا ما؟ سونىمەن قاتار ەتيكالىق ماسەلەلەردى دە ەسكەرۋ كەرەك. تەحنولوگيالار ءتيىمدى بولسا، ونى تەك بايلار عانا قولدانا الا ما؟ بۇنى دا زەرتتەۋ كەرەك»، - دەيدى قاۋىمداستىق ماماندارى.
ساراپشىلاردىڭ ايتۋىنشا، تەحنيكالىق پروبلەمالار شەشىلگەنىمەن، الەۋمەتتىك فاكتورلار كەدەرگى بولۋى مۇمكىن. ياعني، ەتيكالىق، قۇقىقتىق جانە الەۋمەتتىك سالداردى نازارعا الۋ كەرەك.