تۇرعىندارى ەڭ كوپ جۇمىس ىستەيتىن قالالار انىقتالدى – ب ا ق
اۆتوردىڭ سوزىنشە، جاپونيادا شارشاعاننان بولاتىن ءولىم ءجيى كەزدەسەدى. ءتىپتى، «كاروشي» دەگەن ارنايى تەرمين دە بار. العاشقى رەت كاروشي 1969-جىلى تىركەلسە، 2017-جىلى قاتتى شارشاعاننان بولعان 190 ءولىم ورىن العان. بيىل جاپونيا ايىنا 45 ساعاتتان اساتىن ارتىق جۇمىسقا تىيىم سالدى.
ماقالادا اۆتور تاعى ءبىر زەرتتەۋ ناتيجەسىنە توقتالعان. وندا حالقى ەڭ كوپ جۇمىس ىستەيتىن قالا مۋمباي ەكەنى ايتىلعان.
«Kisi كومپانياسى جۇرگىزگەن زەرتتەۋ ناتيجەسىندە 40 حالىقارالىق قالانىڭ ىشىندە تۇرعىندارى ەڭ كوپ جۇمىس ىستەيتىن شاھار توكيو ەكەنى انىقتالدى. زەرتتەۋ ناتيجەسىندە بەلگىلى بولعانداي، توكيو تۇرعىندارى اپتاسىنا ورتاشا ەسەپپەن 42 ساعات جۇمىس ىستەيدى جانە جۇمىس ۋاقىتى 8:57 دە باستالادى»، - دەپ جازادى پورتال.
ال UBS شۆەيتساريا بانكىنىڭ ايتۋىنشا، ءۇندىستاننىڭ مۋمباي قالاسىندا ءبىر جىلداعى ورتاشا جۇمىس ساعاتى ەڭ كوپ بولىپ، بۇل قالا ەڭ ەڭبەكقور قالا دەپ تانىلعان. زەرتتەۋدە مۋمباي تۇرعىندارى جىلىنا 3315 ساعات جۇمىس ىستەيتىنى ايتىلعان. ال ەڭ از جۇمىس ۋاقىتى لاگوستا تىركەلگەن. وندا جۇمىس ۋاقىتى ورتاشا ەسەپپەن جىلىنا 609 ساعاتتى قۇرايدى. بۇل رەيتينگتە توكيو 1997 ساعات كورسەتكىشپەن 77 قالانىڭ ىشىندە 32-ورىن العان. لوندون تۇرعىندارى ورتاشا ەسەپپەن 2022 ساعات، نيۋ-يورك تۇرعىندارى 2046 ساعات جۇمىس ىستەيدى.