كليمات وزگەرگەندەگى جاعدايلار مەديتسينا سالاسىنا دا قاۋىپتى - زەرتتەۋ
«تروپيكالىق مەديتسينا مەن گيگيەنا قاۋىمداستىعى الداعى 25 جىلدا جاھاندىق جىلىنۋعا دايىندالۋعا قابىلەتسىزدىكتىڭ مەديتسينالىق سالدارى قاۋىپتى بولاتىنىنا الاڭداۋلى. الدىڭعى قاتارلى مەديتسينا قىزمەتكەرلەرى بولاشاقتاعى جاھاندىق دەنساۋلىققا كليماتتىق داعدارىس ەڭ ۇلكەن قاۋىپ توندىرەدى دەپ ەسەپتەيدى»، - دەپ جازادى اۆتور.
ونىڭ ايتۋىنشا، مۇنداي مالىمدەمە جاساعان ءارى كەدەي مەملەكەتتەرگە ءتان تروپيكالىق اۋرۋلار تۋرالى جاڭالىقتار اشقان دارىگەرلەر ۇكىمەت پەن دەنساۋلىق ساقتاۋ ورگاندارى جاھاندىق جىلىنۋدىڭ سالدارىنا دايىندالا المايتىنىن ايتقان.
«ماماندار جالعان اقپارات پەن عىلىمعا قارسى دەرەكتەرگە دە الاڭداۋشىلىق ءبىلدىرىپ، ولار دەنساۋلىق ساقتاۋ سالاسىنا قاۋىپ توندىرەتىنىن ايتقان. قاۋىمداستىق ماماندارى دەنساۋلىق ساقتاۋ سالاسىنا تونەتىن مىنا قاۋىپتەردى ءبىراۋىزدان اتاعان: ميگراتسيانىڭ كۇشەيۋى، جاڭا اۋرۋلار، كليماتتىڭ تاماقتانۋعا اسەرى، ينفەكتسيالىق اۋرۋلاردىڭ ارتۋى»، دەپ جازادى اۆتور.
ايتا كەتۋ كەرەك، «اداعى 25 جىلدا جاھاندىق دەنساۋلىق ساقتاۋ سالاسىندا نە بولادى؟» دەپ اتالاتىن زەرتتەۋدە ۇكىمەتتەر وسى ۋاقىت ارالىعىندا دەنساۋلىق ساقتاۋ سالاسىنا ەرەكشە نازار اۋدارۋ كەرەك ەكەنى ايتىلعان.