ءۇش وڭىردە ۇسىك جۇرەدى - قازگيدرومەت

نۇر-سۇلتان. قازاقپارات - قازاقستاننىڭ باسىم بولىگىندە فرونتالدى بولىكتەردىڭ وتۋىنە بايلانىستى قۇبىلمالى كۇن رايى كۇتىلەدى.

كەي جەرلەردە نايزاعاي ويناپ، جاڭبىر جاۋادى، داۋىل كۇتىلەدى. تۇندە سولتۇستىك-باتىستا تۇمان بولادى. رەسپۋبليكانىڭ جەكەلەگەن وڭىرلەرىندە جەل كۇشەيىپ، شاڭدى داۋىل تۇرادى، بۇرشاق جاۋۋى ىقتيمال، دەپ حابارلايدى قازاقپارات.

«قازگيدرومەت» ر م ك مالىمەتىنە سايكەس، سولتۇستىك قازاقستان، پاۆلودار وبلىستارىنىڭ كەي جەرلەرىندە جەلدىڭ ەكپىنى 30 م/س جانە ودان دا جوعارىعا جەتۋى مۇمكىن. جەكەلەگەن اۋماقتاردا نايزاعاي كۇتىلەدى. سولتۇستىك قازاقستان وبلىسىندا بۇرشاق جاۋۋى ىقتيمال.

قوستاناي، اقمولا وبلىستارىندا، سونداي- اق جەلدىڭ كۇشى 30 م/س جانە ودان كوپ بولۋى ىقتيمال. كەي جەرلەردە نايزاعاي كۇتىلەدى. قوستاناي وبلىسىنىڭ جەكەلەگەن اۋماقتارىندا تۇمان، بۇرشاق بولجانادى.

اتىراۋ وبلىسىنىڭ كەي جەرلەرىندە نايزاعاي ويناپ، بۇرشاق جاۋادى. تۇندە جەل 17-22 م/س، كۇندىز 15-20 م/س بولادى. كەي جەرلەردە ەكپىنى 23-28 م/س كۇشەيەدى.

اقتوبە، باتىس قازاقستان، شىعىس قازاقستان وبلىستارىنىڭ كەي جەرلەرىندە تۇندە جەل 15-23 م/س، كۇندىز 15-20 م/س، كەي جەرلەردە 23-28 م/س كۇشەيۋى مۇمكىن. شىعىس قازاقستان وبلىسىندا نايزاعاي كۇتىلەدى. كۇندىز اقتوبە وبلىسىندا شاڭدى داۋىل تۇرادى.

قاراعاندى وبلىسىندا جەل 23-28 م/س ارتادى، تۇندە كەي جەرلەرىندە نايزاعاي وينايدى.

جامبىل، قىزىلوردا وبلىستارىنىڭ كەي جەرلەرىندە جەلدىڭ كۇشى 15-20 م/س جەتەدى. جامبىل، تۇندە قىزىلوردا وبلىستارىنىڭ كەي جەرلەرىندە نايزاعاي ويناپ، داۋىل تۇرادى. جامبىل وبلىسىندا بۇرشاق جاۋۋى ىقتيمال.

تۇركىستان وبلىسىنىڭ كەي جەرلەرىندە جەل 15-20 م/س كۇشەيەدى، شاڭدى داۋىل كۇتىلەدى، تۇندە جانە تاڭەرتەڭ كەي جەرلەردە نايزاعاي ويناپ، داۋىل تۇرادى.

الماتى وبلىسىنىڭ تاڭەرتەڭ جانە كۇندىز كەي جەرلەرىندە نايزاعاي، 15-20 م/س ەكپىندەگى جەل كۇتىلەدى.

اقمولا، قوستاناي، سولتۇستىك قازاقستان وبلىستارىنىڭ كەي جەرلەرىندە تۇندە 1-3 گرادۋس ۇسىك جۇرەدى.

سونداي-اق قىزىلوردا، تۇركىستان وبلىستارىندا، جامبىل، قاراعاندى وبلىستارىنىڭ كەي جەرلەرىندە، باتىس قازاقستان، شىعىس قازاقستاننىڭ جەكەلەگەن اۋدانىندا وتە جوعارى ءورت قاۋپى ساقتالادى.