ادامنىڭ جاسىن نەيرون جۇيەسى ارقىلى انىقتاۋعا بولادى - زەرتتەۋ
سوڭعى جىلدارى عالىمدار ماشينالىق وقىتۋ نەگىزدەرى بويىنشا كوپتەگەن قوسىمشالاردى ويلاپ تاپتى. ونىڭ ىشىندەگى جاڭالىق - نەيرون جۇيەسى ارقىلى ادامنىڭ جاسىن ناقتى انىقتاۋ.
وڭتۇستىك افريكاداعى كۆازۋلۋ- ناتال ۋنيۆەرسيتەتىنىڭ عالىمدارى ادامداردىڭ بەت- بەينەسى ارقىلى ماشينالىق وقىتۋ نەگىزىندە ونىڭ جاسىن ناقتى انىقتاۋ تەحنولوگياسىن ويلاپ تاپتى. بۇل زەرتتەۋ Spinger جۋرنالىندا جارىق كوردى.
ءداستۇرلى تاسىلدەردىڭ كوبى ارنايى باقىلاۋ شارتتارىمەن، زەرتحانالاردا نەمەسە فوتوستۋديالاردا تۇسكەن سۋرەتتەر ارقىلى عانا ادامنىڭ جاسىن انىقتايدى. ال كۇندەلىكتى كەز كەلگەن جاعدايدا نەمەسە كەزدەيسوق تۇسكەن سۋرەتتەن ناقتى جاس مولشەرىن انىقتاۋ قيىن.
«تەرەڭىنەن وقىتۋ تاسىلدەرى بۇل ماسەلەنى شەشۋدە ناتيجە كورسەتتى. سوندىقتان ءبىز ادامنىڭ ناقتى جاسىن انىقتاۋ ءۇشىن ءوز تاسىلدەرىمىزدى ۇسىنامىز» دەيدى زەرتتەۋشىلەر.
كۆازۋلۋ- ناتال ۋنيۆەرسيتەتىنىڭ عالىمدارى التى قاباتتى ارحيتەكتۋرا نەگىزىندە «تەرەڭ، ناقتى نەيروندى جۇيە» ويلاپ تاپتى. ولاردىڭ مودەلى كەزدەيسوق تۇسكەن كەز كەلگەن سۋرەتتەن ادامنىڭ جاسىن ناقتى كورسەتەدى.
ۋيكيپەديادان IMDB-WIKI الىنعان جارتى ميلليونعا جۋىق سۋرەتتەردى سىناقتان وتكىزگەن ۇيىمداستىرۋشىلار مودەلدىڭ ناقتىلىعىنا كوز جەتكىزدى.
MORPH- II بازاسىنداعى 70 000 ادامنىڭ سۋرەتى مەن OUI- Adience بازاسىنداعى 26580 سۋرەت وسى مودەلگە ورنالاستىرىلدى.
اۆتور: ايكۇمىس بولاتبەك