ءماجىلىس ءتوراعاسى قىتايلىق ارىپتەسىمەن كەزدەستى
بۇل تۋرالى قازاقپارات ءماجىلىستىڭ باسپا ءسوز قىزمەتىنە سىلتەمە جاساپ حابارلايدى.
پالاتا سپيكەرى قازاقستاننىڭ تۇڭعىش پرەزيدەنتى نۇرسۇلتان نازاربايەۆ پەن قىتاي باسشىلىعى نەگىزىن قالاعان ەلدەرىمىز اراسىنداعى سەنىمدى ساياسي ديالوگ، تىعىز ەكونوميكالىق بايلانىسقا ايرىقشا نازار اۋداردى.
سونداي- اق، ن. نىعماتۋلين قىتايعا تۇڭعىش مەملەكەتتىك ساپارى كەزىندە قازاقستان پرەزيدەنتى قاسىم- جومارت توقايەۆ پەن قىتاي ءتوراعاسى شي جينپيڭ اراسىندا جاسالعان كەلىسسوزدەر قازاقستان مەن قىتاي قاتىناسىن ماڭگىلىك جان- جاقتى ستراتەگيالىق ارىپتەستىك دەڭگەيىنە جەتكىزگەنىن جانەبىزدىڭ مەملەكەتتەرىمىز ىنتىماقتاستىعىندا جاڭا تاريحي كەزەڭ باستالعانىن اتاپ ءوتتى.
ءوز كەزەگىندە مارتەبەلى مەيمان قوس مەملەكەت اراسىنداعى ىنتىماقتاسىق دەڭگەيىن وتە جوعارى باعالادى. لي جانشۋ قىتاي كەلەشەكتە دە ءوز دامۋ جولى بار قازاقستاننىڭ گۇلدەنۋىنە نيەتتەس بولا وتىرىپ، الداعى ۋاقىتتا دا ءبىزدىڭ ەلىمىزدىڭ حالىقارالىق ارەنادا سالماقتى ءرول اتقارۋىنا قولداۋ كورسەتەتىندىگىن جەتكىزدى. وسى رەتتە بۇكىل قىتايلىق حالىق وكىلدەرى جينالىسى تۇراقتى كوميتەتىنىڭ ءتوراعاسى جاقىندا مەملەكەتتەر باسشىلارى قول قويعان ماڭگىلىك جان- جاقتى ستراتەگيالىق ارىپتەستىك تۋرالى بىرلەسكەن مالىمدەمەنىڭ ماڭىزدىلىعىنا توقتالدى.
ءماجىلىس ءتوراعاسى ەكى ەل ىقپالداستىعىن ودان ءارى تەرەڭدەتۋدە پارلامەنتارالىق بايلانىستىڭ ماڭىزى زور ەكەنىن ايتتى. وسىعان وراي، تاراپتار زاڭنامالىق، اسىرەسە، رەفورمالار مەن يننوۆاتسيالىق دامۋدى قۇقىقتىق قامتاماسىز ەتۋ باعىتىندا تاجىريبە الماسۋعا كەلىستى.
كەزدەسۋ بارىسىندا ن. نىعماتۋلين لي جانشۋ باستاعان دەلەگاتسيا ساپارى ەلدەرىمىزدىڭ كوپجاقتى ارىپتەستىگى مەن تاتۋ كورشىلىكتى نىعايتۋعا ەرەكشە ىقپال ەتەتىنىنە سەنىم ءبىلدىردى.
ءماجىلىس ءتوراعاسى رەسمي ساپاردىڭ قىتاي حالىق رەسپۋبليكاسى قۇرىلۋىنىڭ 70 جىلدىق مەرەيتويىمەن سايكەس كەلگەنىن العا تارتىپ، دوستاس قىتاي ەلىنە وركەنيەت پەن باق- بەرەكە تىلەدى.