قازاقستاندا ەڭ جىلدام تەلەسكوپ ىسكە قوسىلادى
وندا قازاقستاندا جاڭا جوعارى جىلدامدىقتى تەلەسكوپتىڭ ىسكە قوسىلعانى تۋرالى حابارلانعان. عالىمدار NUTTellA-TAO اتاۋىن العان جاڭا اسپاپتى جيناقتاۋدى اياقتاپ، الدىن الا سىناقتان وتكىزدى.
الداعى ۋاقىتتا اسسى- تۇرگەن وبسەرۆاتورياسىندا (الماتى وبلىسى) ورناتىلعان جاڭا تەلەسكوپتىڭ كومەگىمەن نازاربايەۆ ۋنيۆەرسيتەتىنىڭ (ن ۋ) ەنەرگەتيكالىق عارىش زەرتحاناسىنىڭ عالىمدارى عارىشتىق گامما- قالقىمالاردى زەرتتەيتىن بولادى. اسپاپتىڭ جىلدامدىعى الەمدەگى ەڭ ۇلكەن عارىشتىق جارىلىستاردىڭ وپتيكالىق ساۋلە شىعارۋ سپەكترىن ولشەۋگە مۇمكىندىك بەرەدى. تەلەسكوپ نوبەل لاۋرەاتى جانە نۋ ەنەرگەتيكالىق عارىش زەرتحاناسىنىڭ جەتەكشىسى پروفەسسور دجوردج سمۋت كومانداسىنىڭ مۇشەسى، ەنەرگەتيكالىق عارىش زەرتحاناسىنىڭ ەكسپەريمەنتتىك توبىنىڭ باسشىسى، پروفەسسور بريۋس گروسساننىڭ باسشىلىعىمەن ازىرلەۋشىلەر كومانداسى تاراپىنان قۇرىلدى.
« NUTTellA-TAO گامما- قالقىمالاردى ساناۋلى سەكۋندتا ولشەۋدى باستاۋعا مۇمكىندىك بەرەتىن يننوۆاتسيالىق تەلەسكوپ دەپ اتاۋعا بولادى. ونىڭ كومەگىمەن ءبىز SWIFT سپۋتنيگى سياقتى عارىشتا سەزىمتال اسپاپتارمەن سايكەستەندىرىلگەن گامما- قالقىمالارعا جاۋاپ بەرە الامىز جانە ولاردى ولشەي الامىز. سپەكتر نىسانىن ولشەۋ ەلەكتروماگنيتتىك سپەكتردىڭ ەڭ قاتتى بولىگىندە الىس گالاكتيكالاردا باقىلاۋعا بولاتىن عالامدا بولىپ جاتقان ەڭ جارقىن ەلەكتروماگنيتتىك وقيعالاردىڭ مەحانيزمىن تۇسىنۋگە مۇمكىندىك بەرەدى. تيپتىك گامما- قالقىمانىڭ ۇزاقتىعى بىرنەشە سەكۋندتان 100 سەكۋندقا دەيىن جەتەدى»، - دەپ حابارلادى ن ۋ ەنەرگەتيكالىق عارىش زەرتحاناسىنىڭ جوبالىق توبىنىڭ زەرتتەۋشىسى جانات ماقسۇت.