+7 (701) 759 90 19
1 °С : نۇر-سۇلتان
7 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

قىتايدا تۇراتىن قازاق قىزى حالىقارالىق بايقاۋعا جولداما الدى - شەتەلدەگى قازاق ءتىلدى ب ا ق- قا شولۋ

21 قىركۇيەك 13:24
:ءبولىسۋ
قىتايدا تۇراتىن قازاق قىزى حالىقارالىق بايقاۋعا جولداما الدى - شەتەلدەگى قازاق ءتىلدى ب ا ق- قا شولۋ

نۇر- سۇلتان. قازاقپارات - «قازاقپارات» ح ا ا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

قازاق قىزى حالىقارالىق ارۋلار بايقاۋىنا جولداما الدى - قىتايدىڭ «ورتالىق حالىق راديوسى» (CNR)


قىتاي ەلىنىڭ اتىنان حالقارالىق ارۋلار بايقاۋىنا قاتىساتىن جەڭىمپازدى ىرىكتەۋ سىنىندا مەرەي ءانۋارقان قىزىنىڭ مەرەيى ۇستەم بولدى، دەپ جازادى قىتايلىق kazakcnr.com سايتى.


«قىتايدىڭ گۋاندۋن ولكەسىندە 59ـشى كەزەكتى حالىقارالىق ارۋلار بايقاۋىنىڭ قىتاي ەلىندەگى سوڭعى ىرىكتەۋ سىنىندا، شىڭجان ولكەسىنەن كەلگەن قازاق قىزى مەرەي ءانۋارقان قىزى باس جۇلدەنى ەنشىلەدى. اتالعان بايقاۋدا قىتايدىڭ ءار وڭىرىنەن كەلگەن 50 ارۋ باق سىناعان. وسىلايشا، 23 جاستاعى قازاق قىزى 2020 -جىلى وتەتىن حالقارالىق ارۋلار بايقاۋىنا (Miss International Competition) قىتاي ەلىنىڭ اتىنان قاتىساتىن جولدامانى جەڭىپ الدى»، - دەپ جازادى CNR.




اتالعان ب ا ق- تىڭ كەلتىرگەن مالىمەتىنشە، حالقارالىق ارۋلار بايقاۋ (Miss International Competition) العاش رەت 1960 -جىلى ا ق ش- تا ۇيىمداستىرىلعان. الەمنىڭ 100- دەن استام ەلىنىڭ سۇلۋلارىنىڭ باسىن قوساتىن بايقاۋ كەلەر جىلى 59 - كەزەكتى باسەكەسىن وتكىزبەك. بۇل ءدۇبىرلى دودا الەمدىك ءۇش ۇلكەن سۇلۋلار بايقاۋىنىڭ ءبىرى. بايقاۋ الەمدىك ورتادا «ارۋلار وليمپياداسى» دەپ اتالىپ ءجۇر.


سۇلۋلىق فەستيۆالندە ارۋلاردىڭ سىرتقى كەلبەتىن باعالاپ عانا قويماي، ولاردىڭ ادامگەرشىلىك بولمىسىن دا سىنايدى. سونداي- اق، باسقا ەلدەر مەن حالىقتاردىڭ مادەنيەتىن تۇسىنۋگە، ىزەتتىلىككە، دوستىققا، جەر بەتىندەگى بەيبىتشىلىكتىڭ ماڭىزىن ۇعىندىرۋعا باسىمدىلىق بەرىلگەن.

بۇقارا 2020 -جىلدا «يسلام مادەنيەتىنىڭ استاناسى» بولىپ جاريالاندى - «ءو ز ا» اقپاراتتىق اگەنتتىگى

16 - قىركۇيەكتە مىسىر استاناسى كايردە وزبەكستان رەسپۋبليكاسى س ءى م ورىنباسارى ديلشوت احاتوۆ پەن مىسىر اراب رەسپۋبليكاسى س ءى م ورىنباسارى حاني ساليم باسشىلىعىنداعى دەلەگاتسيا وكىلدەرى قاتىسۋىمەن وزبەكستان مەن مىسىر سىرتقى ىستەر مينيسترلىكتەرىنىڭ ساياسي كەڭەسىنىڭ 9- راۋند كەزدەسۋى ءوتتى، دەپ جازادى وزبەكستاننىڭ «ءو ز ا» مەملەكەتتىك اقپاراتتىق اگەنتتىگى.


اگەنتتىكتىڭ حابارلاۋىنشا، كەزدەسۋدە ەكى ەل اراسىنداعى ساياسي، ساۋدا- ەكونوميكالىق، ينۆەستيتسيالىق، مادەني- گۋمانيتارلىق جانە باسقا سالالارداعى ىنتىماقتاستىقتىڭ قازىرگى جاعدايى مەن بولاشاعى جان- جاقتى تالقىلانىپ، ايماقتىق جانە حالىقارالىق ماسەلەلەر بويىنشا پىكىر الماسىلىپ قانا قويماي، ناقتىلى ەكى ەلدىڭ گەوگرافيالىق ورنالاسۋىنىڭ اراقاشىقتىعىنىڭ الىستىعىنا بايلانىستى ورتادا ساۋدا- ەكونوميكالىق، ينۆەستيتسيالىق بايلانىستاردىڭ مۇمكىندىگىن پايدالانباي جاتقاندىعىنا جەتە نازار اۋدارىلدى.

ەكى جاقتىق كەزدەسۋ بارىسىندا وزبەكستاننىڭ بۇقارا قالاسىن 2020 -جىلدا «يسلام مادەنيەتىنىڭ استاناسى» دەپ جاريالاپ، ونداعى وتەتىن يسلام ءدىنىنىڭ وركەندەۋىنە بايلانىستى شارالارعا مىسىر ەلى قۇلشىنا قاتىسۋعا نيەتتى ەكەنىن جاسىرمادى.

تاراپتار تۋريزم سالاسى مەن مادەنيەت جانە ءبىلىم سالاسىنا بايلانىستى ىنتىماقتاستىقتى نىعايتۋعا ۋاعدالاستى.

التاي قالاسى «قازاق ۇلتىنىڭ ءان ـ بي مەكەنى» اتاعىن ەنشىلەدى - «التاي اقپارات» سايتى

قىتايدىڭ شىڭجان اۆتونوميالى ولكەسىنىڭ ادەبيەت ـ كوركەمونەرشىلەر بىرلەستىگى مەن شىڭجان حالىقتىق كوركەمونەرشىلەر قوعامى التاي قالاسىنا «قازاق ۇلتىنىڭ ءان ـ بي مەكەنى» اتاعىن بەردى، دەپ حابارلايدى altxw.com سايتى.



«التاي قالاسىندا وسى ۋاقىتتارعا دەيىن ۇلتتىق سالت- ءداستۇر مادەنيەتىن دارىپتەۋ ماقساتىندا ءتۇرلى اۋقىمدى ءىس- شارالار ۇيىمداستىرىلىپ كەلەدى. التاي ايماعى بۇعان دەيىن «ادامزاتتىڭ قار شاڭعى مەكەنى»، «قازاق ۇلتىنىڭ سالت ـ سانا مادەنيەتىنىڭ ساقتالعان جەرى» سەكىلدى اتاقتارعا يە بولعان. بۇل جولعى «قازاق ۇلتىنىڭ ءان ـ بي مەكەنى» اتاعى التاي قالاسىنىڭ اتىن ايگىلەپ، ۇلتتىق مادەنيەتتىڭ وركەندەۋىنە جول اشىپ، شابىتتاندىرۋدى كوزدەگەن. سونداي- اق، قازاقتىڭ ۇلتتىق مادەنيەتىن تانىپ- بىلۋگە قىزىعاتىن تۋريستەردىڭ التاي قالاسىنا كەلۋىنە ناسيحات بولدى»، - دەپ جازادى «التاي اقپارات» سايتى.

تايەكۆوندودان ەكى قولا جۇلدە بۇيىردى - kaznews.mn

ۇلانباتىر قالاسىندا بالالار اراسىنداعى سپورتتان VI مەملەكەتتىك فەستيۆال ءوتتى. بۇل جارىسقا بايان- ولگەي ايماعىنان 82 سپورتشى قاتىستى، دەپ جازادى موڭعوليانىڭ KAZNEWS اقپاراتتىق پورتالى.



«اتالمىش جارىستا موڭعوليانىڭ ءار ايماعىنان كەلگەن 6000 مىڭعا جۋىق سپورتشى، سپورتىڭ 34 تۇرىنەن كۇش سىناستى. تاەكۆوندودان ۇلدار اراسىنداعى 48 كەلى سالماق دارەجەسىندە ونەر كورسەتكەن سەرعازى ۇلى نۋربەك پەن قىزدار اراسىنداعى سايىستا +55 كەلى سالماق دارەجەسىنە ونەر كورسەتكەن اسىلبەك قىزى اسەمحان قولا جۇلدەگە يە بولدى»، - دەپ جازادى KAZNEWS.

«قىتايدىڭ ەڭ كوركەم جەرى» اتاعىن العان ىلە جايلاۋلارى - ىلە گازەتى

قىتايداعى ىلە قازاق اۆتونوميالى وبلىسىنا قاراستى ىلە ايماعىنىڭ قاي اۋدانىنان بارساڭىزدا كوركەم، سۇلۋ تابيعاتتىڭ تاماشا سىيىنا كۋا بولاسىز، دەپ جازادى ىلە گازەتىنىڭ اقپاراتتىق سايتى.



«ىلە اڭعارىنىڭ گەوگرافيالىق ءتۇزىلىسى وزگەشە، تەرىستىك، شىعىس، تۇستىك ءۇش جاعىن بىردەي تاۋ قورشاپ تۇرادى. بۇل ايماقتاعى نارات، تاڭبالى، كۇنەس، موڭعولكۇرە اتالاتىن اتاقتى جايلاۋلارى قىتاي ەلىنە كەڭ تانىلعان ءىرى تۋريستىك ورتالىقتار سانالادى. دۇنيە جۇزىندەگى قازاق ەڭ كوپ ءارى تىعىز قونىستانعان كۇنەس اۋدانى دا وسى ايماقتا ورنالاسقان. حالقىنىڭ 80 پايىزدان استامى قازاقتار، ياعني 300 مىڭعا جۋىق قازاق تۇرادى. 2005 -جىلى «قىتاي مەملەكەت گەوگرافياسى» جۋرنالىنىڭ ۇيىمداستىرۋىمەن، قىتاي ەلىندەگى 34 اقپارات ورتالىقتارىنىڭ بىرلەسىپ وتكىزگەن، «قىتايدىڭ ەڭ كوركەم جەرىن» انىقتاۋ جوباسىندا قىتايداعى ەڭ كوركەم 6 ۇلكەن ساحاراسىنىڭ ءبىرى ىلە جەرى بولىپ تاڭدالعان. نازارلارىڭىزعا وسى كوركەم تابيعات كورىنستەرىنەن فوتورەپورتاج ۇسىنامىز»، - دەپ جازادى ىلە گازەتى.




يران مەن قازاقستاننىڭ سپورت سالاسىنداعى ىنتىماقتاستىعىن كەڭەيتۋ قاجەتتىگى قۋاتتالدى - «فارس» اقپارات اگەنتتىگى

ي ي ر ۇلتتىق وليمپيادالىق كوميتەتىنىڭ باسشىسى يران مەن قازاقستاننىڭ سپورت سالاسىنداعى ىنتىماقتاستىعىن كەڭەيتۋ قاجەتتىگىن قۋاتتادى، دەپ حابارلايدى parstoday اقپارات اگەنتتىگى.


IRNA اقپارات اگەنتتىگىنىڭ حابارلاۋىنشا، ورتا ازيا ەلدەرىنىڭ وليمپيادالىق كوميتەتىنىڭ ءۇشىنشى وتىرىسىنا قاتىسۋ ءۇشىن قازاقستانعا بارعان رەزا سالەحي اميري سارسەنبى كۇنى وسى وتىرىستا يران مەن قازاقستاننىڭ الەۋەتتەرىن تانىستىرا كەلىپ، بۇل الەۋەتتەردىڭ ەكى ەلدىڭ سپورت سالاسىنداعى ىنتىماقتاستىعىنا جاعداي جاسايتىنىن ايتتى.

ول وسى وتىرىستا ورتا ازيا ەلدەرىنىڭ وليمپيادا ويىندارىن وتكىزۋگە ۇسىنىس جاسادى. بۇل ۇسىنىس مۇشە ەلدەر تاراپىنان قولداۋ تاۋىپ، قابىلداندى.

يران ۇلتتىق وليمپيادالىق كوميتەتىنىڭ باسشىسى، سونداي- اق، سارسەنبى كۇنى ءوزىنىڭ قازاق ارىپتەسى تيمۋر قۇلىبايەۆپەن كەزدەسىپ، ەكى ەلدىڭ سپورت سالاسىنداعى ىنتىماقتاستىعىن دامىتۋ تۋرالى سۇحباتتاستى.

قۇلىبايەۆ بۇل كەزدەسۋدە يران كوميتەتى باسشىسىنىڭ قازاقستانعا كەلگەنىنە قۋانىش ءبىلدىرىپ، ەكى ەلدىڭ سپورتتىق الەۋەتتەرىن پايدالانۋعا جانە ءوزارا ىنتىماقتاستىقتى دامىتۋعا دايىن ەكەنىن مالىمدەدى.

تۇركيا وزبەكستاننىڭ تۇرىك كەڭەسىنە قاتىسۋىنا ريزا - TRT

تۇركيا وزبەكستاننىڭ تۇركى تىلدەس مەملەكەتتەر ىنتىماقاستىق كەڭەسىنە (تۇرىك كەڭەسى) تولىق مۇشە بولىپ قاتىسۋ شەشىمىنە ءىلتيپات ءبىلدىردى، دەپ جازادى تۇركيا راديو تەلەۆيزيا پورتالى.


اتالعان ب ا ق- تىڭ جازۋىنشا، سىرتقى ىستەر مينيسترلىگىنەن جاسالعان جازباشا مالىمدەمەدە وزبەكستاننىڭ تۇرىك كەڭەسىنىڭ ناحچىۆان كەلىسىمىنە قوسىلۋ ءۇشىن قاجەتتى ىشكى ماقۇلداۋ پروتسەسىن اياقتاعانى حابارلاندى.

«بىزگە بايلانىستى قۇجاتتار مەن مالىمدەمەلەر تولىقتاندى. قاتىستى بابتارعا ساي ناحچىۆان كەلىسىمى وزبەكستان ءۇشىن 2019 -جىلى 14 - قازاندا اتقارىلادى. دوس جانە باۋىرلاس وزبەكستاننىڭ تۇرىك كەڭەسىنە تولىق مۇشە بولىپ قاتىسۋىمەن تۇركى الەمى ىشىندەگى ۇيىمشىلدىق بەكەمدەلەدى، حالىقتارىمىزدىڭ ورتاق بايلىعى مەن تىنىشتىعى ءۇشىن جۇرگىزىپ وتىرعان ىنتىماقتاستىعىمىز كۇشەيەدى. وزبەكستاننىڭ تۇرىك كەڭەسىنە تولىق مۇشە بولىپ قاتىسۋىنا ريزالىعىمىزدى تاعى ءبىر مارتە جەتكىزەمىز» - دەلىنگەن سىرتقى ىستەر مينيسترلىگىنەن جاسالعان جازباشا مالىمدەمەدە.

اۆتور: باقىتجول كاكەش



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات