مادەنيەت ءمينيسترى اباي مەرەيتويى تۋرالى: جۇيەلى، مازمۇندى جوبالارعا باسىمدىق بەرىلەدى
«مادەنيەت جانە سپورت ءمينيسترى اقتوتى رايىمقۇلوۆا سەمەيگە ساپارى بارىسىندا قاراۋىل، كەڭگىرباي بي اۋىلدارىنا، «جيدەباي- ءبورىلى» مەملەكەتتىك تاريحي- مادەني جانە ادەبي- قورىق- مۋزەيىنە سوعىپ، تاريحي- مادەني نىسانداردى اباتتاندىرۋ، ينفراقۇرىلىمدى رەتتەۋ جانە قايتا جوبالاۋ جۇمىستارىنىڭ جۇرگىزىلۋ بارىسىمەن تانىستى. اۋىل اقساقالدارىمەن، ۇلى اقىننىڭ ۇرپاقتارىمەن كەزدەسۋدە ابايدىڭ 175 جىلدىعىن اتاپ ءوتۋ جونىندە اڭگىمە بولدى.
«ۇلى اقىننىڭ مەرەيتويىن اتاپ وتكەندە ءبىز ەڭ الدىمەن، ءبىر كۇندىك شارالاردان جۇيەلى، مازمۇندى جانە ۇزاق مەرزىمدى جوبالارعا باسىمدىق بەرىپ، يدەولوگيالىق مىندەتتەردى جۇزەگە اسىرۋعا نازار اۋدارماقپىز»، - دەدى مينيستر.
سونداي- اق، مادەنيەت جانە سپورت ءمينيسترى ا. رايىمقۇلوۆا قوعام وكىلدەرىمەن كەزدەسۋ وتكىزىپ، پرەزيدەنت قاسىم- جومارت توقايەۆتىڭ «سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى» جولداۋى جايلى، وندا كورسەتىلگەن مىندەتتەردى جۇزەگە اسىرۋ جايىندا ايتىپ بەردى.
اۆتور: مارلان جيەمباي