اتاۋلى الەۋمەتتىك كومەكتىڭ جاڭا تەتىكتەرى ازىرلەنىپ جاتىر

نۇر- سۇلتان. قازاقپارات – ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ سەمەي قالاسىنىڭ زەينەتكەرلەرىمەن، مۇگەدەكتىگى بار ازاماتتارمەن جانە شەمونايحا قالاسىنىڭ تۇرعىندارىمەن كەزدەستى.

كەزدەسۋ بارىسىندا ق ر پرەزيدەنتى قاسىم- جومارت توقايەۆتىڭ قازاقستان حالقىنا جولداۋىنىڭ نەگىزگى باعىتتارىن ءتۇسىندىردى، دەپ حابارلايدى قازاقپارات ءتىلشىسى اتالعان ۆەدومستۆوعا سىلتەمە جاساپ.

الدىمەن مينيستر «سەمەي قالاسىنىڭ جالپى ۇلگىدەگى قارتتار مەن مۇگەدەكتەرگە ارنالعان مەديتسينالىق- الەۋمەتتىك مەكەمەسىنە» باردى. قارتتار ءۇيىنىڭ تۇرعىندارىمەن اڭگىمە بارىسىندا مينيستر قازاقستاندا جىل سايىن بىرلەسكەن زەينەتاقىلار ينفلياتسيادان بۇرىن ءوسىپ كەلە جاتقانىن، سونىمەن قاتار، وتكەن جىلى ەڭبەك ءوتىلىن ەسكەرە وتىرىپ، بازالىق زەينەتاقىلاردىڭ كوبەيتىلگەنىن اتاپ ءوتتى.

«2019 -جىلى رەسپۋبليكالىق بيۋدجەتتە زەينەتاقى تولەمدەرىنە 2,3 تىريلليون تەڭگە كوزدەلگەن، بۇل وتكەن جىلعى دەڭگەيدەن 15 پايىزعا جوعارى. قارت ادامدارعا قامقورلىق - مەملەكەتتىڭ نەگىزگى باسىمدىقتارىنىڭ ءبىرى. پرەزيدەنتتىڭ قازاقستان حالقىنا جولداۋىندا ايتىلعان تاپسىرمالارىنا سايكەس زەينەتاقى جۇيەسىنىڭ تۇراقتىلىعىن قامتاماسىز ەتۋ بويىنشا شارالار قابىلداناتىن بولادى. قۇرمەتتى دەمالىسقا شىققان بارلىق ازاماتتار تۇراقتى زەينەتاقى الادى، زەينەتاقىمەن قامسىزداندىرۋ شىعىستارى قىسقارمايدى» ، - دەدى ءبىرجان نۇرىمبەتوۆ.

سونداي- اق، ول مۇگەدەكتىگى بار ادامداردى وڭالتۋ قۇرالدارىمەن قامتاماسىز ەتۋ ماسەلەسىن جەكە باقىلاۋعا العانىن ايتتى.

«ءبىرىنشى جارتىجىلدىقتىڭ قورىتىندىسى بويىنشا تەحنيكالىق قۇرالدارمەن جانە وڭالتۋ قىزمەتتەرىمەن قامتاماسىز ەتۋ مۇگەدەكتىگى بار 421,1 مىڭ ادامنىڭ 34,8 پايىزىن قۇرادى,. جەرگىلىكتى اتقارۋشى ورگاندار وڭالتۋدىڭ تەحنيكالىق قۇرالدارىمەن قامتاماسىز ەتۋ بويىنشا بيۋدجەت قاراجاتىن ءتيىمدى جوسپارلاۋدى جانە يگەرۋدى قامتاماسىز ەتۋگە ءتيىس. ءبىز مۇگەدەكتىگى بار ادامداردىڭ قۇقىقتارىنا قىسىم جاساۋعا جول بەرمەۋىمىز. ولاردى قوعام ومىرىنە تولىققاندى ينتەگراتسيالاۋ ءۇشىن قاجەتتى قۇرالدارمەن جانە وڭالتۋ قىزمەتتەرىمەن قامتاماسىز ەتۋ ماسەلەسىن شەشۋىمىز كەرەك» ، - دەپ اتاپ ءوتتى مينيستر.

ءبىرجان نۇرىمبەتوۆ شەمونايحا قالاسى مەن جاقىن ماڭىنداعى اۋىل تۇرعىندارىمەن كەزدەسۋدە ازاماتتاردى الەۋمەتتىك قامتاماسىز ەتۋ ماسەلەلەرىنە نازار اۋداردى.

«مەملەكەت باسشىسى ءوز جولداۋىندا ءبىزدىڭ الدىمىزعا اتاۋلى الەۋمەتتىك كومەك كورسەتۋدىڭ اشىقتىعىن، ادىلدىگىن جانە ەڭبەككە ىنتالاندىرۋ ءۇشىن اتاۋلى الەۋمەتتىك كومەك كورسەتۋ مەحانيزمىن تۇزەتۋ مىندەتىن قويدى. جاقىن ارادا ءبىز جاڭا تاسىلدەردى جاريالايمىز. ولاردىڭ باستى ارتىقشىلىعى كوپ بالالى وتباسىلاردى الەۋمەتتىك قولداۋدى جاقسارتۋ بولادى. 2020 -جىلدان باستاپ مەكتەپكە دەيىنگى جاستاعى بالالارعا تۇراقتى كومەك، وقۋشىلارعا تەگىن ىستىق تاماق، ولاردى وقۋعا قاجەتتى كەرەك- جاراقتارمەن جانە مەكتەپ فورماسىمەن قامتاماسىز ەتۋ، تەگىن جول ءجۇرۋ، سونداي- اق مەديتسينالىق كومەك كىرەتىن از قامتىلعان وتباسىلاردان شىققان بالالارعا ارنالعان ءبىرىڭعاي كەپىلدى الەۋمەتتىك پاكەت نورماتيۆتىك تۇردە انىقتالادى» ، - دەدى مينيستر.