اسكەري ۇشقىشتار شابۋىلدان قورعانۋ تاپسىرماسىن ورىندادى
اسكەري ۇشقىشتار رەسەي اسكەري- عارىش كۇشتەرىنىڭ سۋ-30 جويعىشتارى مەن سۋ-34 بومبالاۋشى ۇشاقتارى ەكيپاجدارىمەن بىرلەسە وتىرىپ تاپسىرمانى ورىندادى.
تاجىريبەلىك كەزەڭ ەكى ەلدىڭ بىرلەسكەن جاتتىعۋلارى اياسىندا شىعىس قازاقستان جانە قاراعاندى وبلىستارىنىڭ «شىعىس» جانە «سارىشاعان» پوليگونىنداعى سىنالدى.
سەناري بويىنشا 30 دان اسا اۆياتسيانىڭ مايداندىق ۇشاق بەلگىلەنگەن اۋداندارداعى اۋە كەڭىستىكتى قورعايدى. شارتتى قارسىلاستى انىقتاعان جاعدايدا ەكيپاجداردىڭ باستى مىندەتى - وعان توسقاۋىل قويۋ، اۋەايلاققا قونۋعا ماجبۇرلەۋ ەدى.
سونىمەن قاتار، وقۋ- جاتتىعۋلار بارىسىندا ۇشقىشتار باسقارىلاتىن جانە باسقارىلمايتىناۆياتسيالىق زىمىراندار جانە بومبالار قولدانا وتىرىپ جەردەگى نىسانداردى جويۋعا قاتىستى وقۋ- جاتتىعۋ تاپسىرمالارىن پىسىقتادى. اسكەري باسقارۋ ورگاندارىنىڭ دايىندىق دەڭگەيلەرىن تەكسەرۋگە، ۇشقىشتاردىڭ دايىندىعىن جەتىلدىرۋگە ەرەكشە نازار اۋدارىلدى.
ايتا كەتۋ كەرەك، قازاقستاننىڭ اسكەري ۇشقىشتارى كۇن سايىن - جوسپارلانعان وقۋ ۇشۋلارىندا، سونداي- اق باسقا فورماتتاعى جاتتىعۋلاردا شەت ەلدەردىڭ ۇشقىشتارىمەن ىنتىماقتاستىقتا ءوز شەبەرلىكتەرىن شىڭدايدى. ورتاشا العاندا ءبىر جىلدا قازاقستان اسكەري- اۋە كۇشتەرىنىڭ اسكەري- كولىكتىك، مايداندىق جانە ارميا اۆياتسياسىنىڭ جالپى ۇشۋ ۋاقىتى 16000 ساعاتتان اسادى.
بىيل قازاقستاننىڭ اسكەري- اۋە كۇشتەرى «جاۋىنگەرلىك دوستاستىق - 2019» اۋقىمدى حالىقارالىق وقۋ- جاتتىعۋلارىنا قاتىسىپ، جوعارى دايىندىق دەڭگەيىن كورسەتتى.