+7 (701) 759 90 19
7 °С : نۇر-سۇلتان
10 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

ءتىل جاناشىرلارىنا پرەزيدەنتتىڭ «العىس حاتى» بەرىلدى

20 قىركۇيەك 20:07
:ءبولىسۋ
ءتىل جاناشىرلارىنا پرەزيدەنتتىڭ «العىس حاتى» بەرىلدى

نۇر- سۇلتان. قازاقپارات - ءتىل جاناشىرلارىنا مەملەكەت باسشىسىنىڭ «العىس حاتى» بەرىلدى، دەپ حابارلايدى قازاقپارات ق ر پرەزيدەنتىنىڭ باسپا ءسوز قىزمەتىنە سىلتەمە جاساپ.

بيىل «ءتىل تۋرالى» زاڭنىڭ قابىلدانعانىنا 30 جىل تولىپ وتىر.. 1989 -جىلى 22 -قىركۇيەكتە ەل تاريحىندا تۇڭعىش رەت «قازاق كەڭەستىك سوتسياليستىك رەسپۋبليكاسىنىڭ ءتىل تۋرالى» زاڭى قابىلداندى. بۇل - تۋعان ءتىلىمىزدىڭ كوكجيەگىن كەڭەيتۋگە باستاۋ بولعان العاشقى قادام ەدى. ال ەلىمىز تاۋەلسىزدىك الىپ، ءوز الدىنا دەربەس، ەگەمەن مەملەكەت بولعاندا، 1995 -جىلى 30 - تامىزدا قابىلدانعان كونستيتۋتسيامىزدا قازاق ءتىلى - مەملەكەتتىك ءتىل بولىپ بەكىتىلدى. سونىڭ ناتيجەسىندە انا ءتىلىمىز ۇلتارالىق قاتىناس تىلىنە اينالىپ، رەسمي قۇجاتتار مەملەكەتتىك تىلدە جازىلاتىن بولدى.

«انا ءتىلىمىزدىڭ ابىرويىن ارتتىرىپ، ايبارىن اسىرعان، مارتەبەسىن بەكىتىپ، مەرەيىن وسىرگەن اتاۋلى داتاعا بايلانىستى رەسپۋبليكا شەڭبەرىندەگى ءتىل جاناشىرلارىنا پرەزيدەنت قاسىم- جومارت توقايەۆتىڭ «العىس حاتى» بەرىلدى» ، دەلىنگەن حابارلامادا.


اقوردا رەزيدەنتسياسىندا مەملەكەت باسشىسىنىڭ ىقىلاسىن پرەزيدەنت اكىمشىلىگى باسشىسىنىڭ ءبىرىنشى ورىنباسارى دارحان كالەتايەۆ جەتكىزدى. ولاردىڭ قاتارىندا مىرزاتاي جولداسبەك، ءومىرزاق ايتبايەۆ، مۇحتار شاحانوۆ، امانگەلدى ايتالى، سماعۇل ەلۋباي، اسىلى وسمان، ساۋلە مەشىتباي، سايلاۋ باتىرشا- ۇلى، كەنجەحان ماتىجانوۆ، مەرەكە قۇلكەنوۆ، ءشامشيدين پاتتيەۆ، دوس كوشىم، قاينار ولجاي، كامال الپەيىسوۆا، ەركىن قىدىر، ۆلاديسلاۆ تەن، ماكسيم روجين سەكىلدى مەملەكەتتىك ءتىلدىڭ كەڭ كولەمدە قولدانۋىنا ەلەۋلى ۇلەس قوسىپ جۇرگەن جۇزدەن استام ازامات بار. سونىمەن قاتار، «انا ءتىلى» ۇلت اپتالىعى، «جاس قازاق» قوعامدىق- ساياسي گازەتى مەن الماتى وبلىستىق «جەتىسۋ» تەلەارناسىنىڭ ء«تىل ساقشىسى» باعدارلاماسىنىڭ ۇجىمدارىنا دا «العىس حات» تابىستالدى.







باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات