اقتاۋ كوشەلەرىن ءتۇتىن باستى

اقتاۋ. قازاقپارات - اقتاۋ قالاسىندا ەكى- ءۇش كۇننەن بەرى اسپاندى ءتۇتىن باسىپ تۇر، دەپ حابارلايدى قازاقپارات ءتىلشىسى.

بۇل كورىنىس تۇرعىنداردىڭ الاڭداۋشىلىعىن تۋدىرۋدا. قالا كوشەلەرىن تۇمان باسىپ، بۇل جاعداي ءتىپتى قالا شەتىنە دەيىن سوزىلىپ جاتىر.

ماڭعىستاۋ وبلىسى ەكولوگيا دەپارتامەنتى وكىلدەرىنىڭ حابارلاۋىنشا، بۇعان اتىراۋ وبلىسىنداعى توتەنشە جاعداي سەبەپشى بولعان.

اۋادان سىناما الىپ، زەرتحانادا تەكسەرگەن ماماندار وسىنداي توقتامعا كەلگەن. ياعني، اۋادا زياندى قالدىقتار تاراماعان.

«اتموسفەرادا شەكتى دەڭگەيدەن اسىپ تۇرعان زياندى قالدىق جوق. توتەنشە جاعداي دەپارتامەنتىنىڭ حابارلاۋىنشا، اتىراۋ وبلىسىندا قامىس ورتەنۋدە. سودان شىققان قالىڭ ءتۇتىن وڭىرگە جەل ارقىلى جەتىپ، كوشەلەردى باسىپ قالدى» ، - دەلىنگەن حابارلامادا.