جاڭقوش تۇراروۆ شارشى الاڭعا قاراشا ايىندا ورالادى

نۇر- سۇلتان. قازاقپارات - 2019 -جىلدىڭ 22 - قاراشاسىندا لوندونداعى «York Hall» سپورت ورتالىعىندا «MTK Global» كومپانياسى وتكىزەتىن «Golden Contract» بوكس ءتۋرنيرىنىڭ ءبىرىنشى ورتا سالماقتاعى جەكپە- جەكتەرى ۇيىمداستىرىلادى، دەپ حابارلايدى قازاقپارات ءتىلشىسى.

«قازاقستان كاسىپقوي بوكسى» ۆكونتاكتە پاراقشاسى حابارلاعانداي، بوكس كەشىنە جەتى بوكسشى قاتىساتىنىن راستاعان. ولاردىڭ ىشىندە قازاقستاندىق جاڭقوش تۇراروۆ تا بار. ودان بولەك، تۋرنيردە وحارا دەۆيس، تايرون ماككەنن، اكيم ەننيس براۋن، موحامەد ميموۋنا، ەنتوني ييگيت پەن داررەن سۋرتيس ونەر كورسەتەدى.

ەڭ قىزىعى، اتالمىش تۋرنيردە بوكسشىلار ءوز قارسىلاسىنىڭ ەسىمىن ايقاسقا ءبىر اپتا عانا قالعاندا بىلەدى.

ءتۋرنيردى امەريكالىق ESPN مەن بريتاندىق Sky Sports تەلەارناسى كورسەتەدى.

ەسكە سالا كەتسەك، سوڭعى جەكپە- جەگىن جاڭقوش تۇراروۆ ماكسيميليانو گودويعا (31-4-1, 16 ك و) قارسى وتكىزگەن ەدى. تۇراروۆ جارتىلاي ورتا سالماقتاعى WBO Inter- Continental ەكىنشى دەڭگەيلى تيتۋلى ءۇشىن ايقاستا ارگەنتينالىقتى نوكاۋتپەن جەڭدى.