15:49, 20 - قىركۇيەك 2019 | GMT +6
عالىمدار قۇبىر سۋىنىڭ قاتەرلى دەرت تۋدىرۋى مۇمكىن ەكەنىن ەسكەرتتى
نۇر-سۇلتان. قازاقپارات - امەريكالىق عالىمدار قۇبىر سۋىن زەرتتەپ، ونى پايدالانۋ قاتەرلى ىسىك اۋرۋىن تۋدىرۋى مۇمكىن دەپ تاپتى.
قورشاعان ورتانى قورعاۋ جونىندەگى جۇمىس توبىنىڭ زەرتتەۋشىلەرى امەريكا قۇراما شتاتتارىندا سۋداعى حيميالىق زاتتاردىڭ شامامەن 100 مىڭ ىسىك اۋرۋى تۋدىراتىن جاعدايعا اكەلۋى مۇمكىن ەكەنىن انىقتادى. بارلىعى شامامەن 22 ەلەمەنت ەسەپتەلگەن، ولار ۇزاق قولدانعان جاعدايدا ادام دەنساۋلىعىنا اسەر ەتۋى مۇمكىن. زەرتتەۋدە سۋداعى تۇزدار مەن مەتالداردىڭ ادام دەنساۋلىعىنا اسەرىن باعالايتىن ءتاسىل قولدانىلدى.
قاتەرلى ىسىككە شالدىعۋ قاۋپىنىڭ كوپ بولىگى سۋدىڭ مىشياكپەن لاستانۋىمەن، جاناما ونىمدەرمەن، ۋران جانە رادي سياقتى راديواكتيۆتى ەلەمەنتتەرمەن بايلانىستى.
سونىمەن قاتار، قۇرامىندا وسى زاتتار بار سۋ مەملەكەتتىك ستاندارتتارعا ساي بولۋى مۇمكىن دەيدى عالىمدار. ولار سۇزگىدەن وتكەن سۋدىڭ اعزاعا زياندى اسەر قاۋپىن ازايتا الاتىندىعىن اتاپ ءوتتى.