+7 (701) 759 90 19
2 °С : نۇر-سۇلتان
8 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

قازاق ءتىلدى ۇزدىك ينتەرنەت- سايتتار انىقتالادى

20 قىركۇيەك 15:37
:ءبولىسۋ
قازاق ءتىلدى ۇزدىك ينتەرنەت- سايتتار انىقتالادى

نۇر- سۇلتان. قازاقپارات – ق ر تۇڭعىش پرەزيدەنتى - ەلباسىنىڭ قورى ۇزدىك قازاق ءتىلدى ينتەرنەت- سايتتى انىقتاۋ بويىنشا بايقاۋعا وتىنىمدەردى قابىلداۋدى باستادى، دەپ حابارلايدى قازاقپارات.

جىل سايىنعى بايقاۋدى ۇيىمداستىرۋشى – ق ر تۇڭعىش پرەزيدەنتى - ەلباسىنىڭ قورى جانىنداعى مەملەكەتتىك ءتىلدى دامىتۋ قورى.

بيىل ول ءتورتىنشى رەت وتكىزىلگەلى وتىر. وتكەن ءۇش جىل قورىتىندىسى بويىنشا 25 وتاندىق قازاق ءتىلدى سايت بايقاۋ لاۋرەاتى اتانىپ، اقشالاي سىيلىققا يە بولدى.

جەڭىمپازدار كەلەسى نوميناتسيالار بويىنشا انىقتالادى:

«وتكىر ءتىل» — قازاق ءتىلىن جانە ۇلتتىق قۇندىلىقتاردى ناسيحاتتايتىن ۇزدىك سايت؛

«رۋحاني ازىق» - قازاق ادەبيەتى مەن مادەنيەتىن ناسيحاتتايتىن ۇزدىك سايت؛

«تەرەڭ ىزدەنىس» — قازاق ەلىنىڭ تاريحىن ناسيحاتتايتىن ۇزدىك سايت؛

«شىنايى ءومىر» - قوعامداعى وزەكتى ماسەلەلەردى تالقىلايتىن ۇزدىك سايت؛

«سپورت تىنىسى» — سالاۋاتتى ءومىر سالتى مەن سپورتتى ناسيحاتتايتىن ۇزدىك سايت؛

«ءبىلىم بۇلاعى» — ءبىلىم بەرەتىن ۇزدىك سايت؛

«جاستار الەمى» — جاستارعا ارنالعان ۇزدىك سايت؛

«ايماق ايناسى» — ۇزدىك ايماقتىق سايت؛

«بالالارعا بازارلىق» — بالالارعا ارنالعان ۇزدىك سايت؛

«ويىن- ساۋىق» — ۇزدىك ويىن- ساۋىق سايتى.

ءار نوميناتسيا بويىنشا ۇزدىك سايتقا 385 مىڭ تەڭگە كولەمىندە اقشالاي سىيلىق تاپسىرىلادى. بايقاۋ قورىتىندىسى جىل سوڭىندا شىعارىلادى.

بايقاۋ جەڭىمپازدارىن بەلگىلى قوعام قايراتكەرلەرى، قالامگەر- جۋرناليستەر جانە بايقاۋ قۇرىلتايشىلارىنان جاساقتالعان قازىلار القاسى انىقتايدى. سايتتىڭ مازمۇنى، قىزمەت باعىتى، ينتەراكتيۆتىلىگى، كوركەمدىك جاعى، يدەيا ەرەكشەلىگى، قوعامعا جالپى اسەرى - قازىلار القاسى باسشىلىققا الاتىن نەگىزگى ولشەمدەر.

«بايقاۋعا عالامتور كەڭىستىگىندەگى تاجىريبەسى كەمىندە ءبىر جىلدى قۇرايتىن، قازاق تىلىندە اقپارات تاراتاتىن جانە قىزمەت ءتۇرى قازاقستان رەسپۋبليكاسىنىڭ قولدانىستاعى زاڭناماسىنا قايشى كەلمەيتىن كەز كەلگەن ۇكىمەتتىك ەمەس، تاۋەلسىز قوعامدىق سايت قاتىسا الادى. بايقاۋعا مەملەكەتتىك ورگانداردىڭ، شەتەلدىك ۇيىمداردىڭ، بۇقارالىق اقپارات قۇرالدارىنىڭ ەلەكتروندىق نۇسقالارى (گازەت، ت ۆ، راديو) قاتىسا المايدى. بايقاۋ ەرەجەسىمەن قازاقستان رەسپۋبليكاسى تۇڭعىش پرەزيدەنتى - ەلباسى قورىنىڭ www.fpp.kz جانە مەملەكەتتىك ءتىلدى دامىتۋ قورىنىڭ www.qazaq-found.kz سايتىنان تانىسۋعا بولادى» ، - دەلىنگەن قور اقپاراتىندا.

وتىنىمدەر بيىلعى 20 - قىركۇيەكتەن 20 - قاراشاعا دەيىن قابىلدانادى.


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات