+7 (701) 759 90 19 Лента
5 °С : نۇر-سۇلتان
2 °С : الماتى
USD 389.52 EUR 429.21
RUB 6.07 CNY 54.94
جاڭالىقتار

اقتوتى رايىمقۇلوۆا مادەنيەت قىزمەتكەرلەرىنىڭ جالاقىسى قانشا وسەتىندىگىن ايتتى

20 قىركۇيەك 14:02
:ءبولىسۋ
اقتوتى رايىمقۇلوۆا مادەنيەت قىزمەتكەرلەرىنىڭ جالاقىسى قانشا وسەتىندىگىن ايتتى

الماتى. قازاقپارات – ق ر مادەنيەت جانە سپورت ءمينيسترى اقتوتى رايىمقۇلوۆا الماتى قالاسىندا زيالى قاۋىم وكىلدەرىمەن كەزدەستى، دەپ حابارلايدى قازاقپارات ءتىلشىسى ۆەدومستۆو باسپا ءسوز قىزمەتىنە سىلتەمە جاساپ.

ا. رايىمقۇلوۆا مەگاپوليستەگى سالا قىزمەتكەرلەرىمەن وتكەن جيىندا پرەزيدەنت قاسىم-جومارت توقايەۆتىڭ «سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى» جولداۋى جايلى، وندا كورسەتىلگەن مىندەتتەردى جۇزەگە اسىرۋ جايىندا ايتىپ بەردى.

ءمينيستردىڭ دەرەگىنشە، كەلەر جىلدان باستاپ مادەنيەت سالاسى قىزمەتكەرلەرىنىڭ ەڭبەكاقىسى 40 پايىزعا وسەدى. ياعني، تەاتر ارتىستەرىنىڭ ورتاشا جالاقىسى 231 مىڭ تەڭگە، ال، كىتاپحانا، مۋزەي جانە ارحيۆ قىزمەتكەرلەرىنىڭ ەڭبەكاقىسى 164 مىڭ تەڭگە بولادى. ءسوز بارىسىندا مينيستر قازىر ەلىمىزدەگى ەڭ تومەنگى جالاقى مادەنيەت قىزمەتكەرلەرىندە ەكەنىن اتاپ ءوتتى. ال، سالانىڭ دامۋى ءۇشىن مامانداردىڭ الەۋمەتتىك جاعدايى جوعارى بولعانى ماڭىزدى. سوندىقتان، ۇلتتىڭ ونەرى مەن رۋحانياتىنا ەڭبەك ءسىڭىرىپ جۇرگەن مادەنيەت قىزمەتكەرلەرىنە مەملەكەتتىك قولداۋ ارتا بەرەتىنىن جەتكىزدى.

«مادەنيەت پەن ونەر قىزمەتكەرلەرىنىڭ جاعدايىن كوتەرۋ جوسپارىمىزدىڭ ءبىر تارماعى عانا. قازىر الەۋمەتتىك جەڭىلدىكتەر ماسەلەسى پىسىقتالىپ جاتىر. مادەنيەت جانە سپورت مينيسترلىگى مەموراندۋمدار ازىرلەپ، اكىمدىكتەرگە جىبەردى. ولاردى ورىنداۋ ءۇشىن الەۋمەتتىك قولداۋ شارالارىن، ونىڭ ىشىندە مادەنيەت جانە ونەر قىزمەتكەرلەرىنىڭ تۇرعىن ءۇي جاعدايىن جاقسارتۋدى قامتيتىن سالالىق جوسپارلار بەكىتىلەتىن بولادى. جاستاردىڭ تۇرعىن ءۇي الۋى ءۇشىن 3 ميلليون 700 مىڭ تەڭگەنىڭ كولەمىندەگى بيۋجەتتىك نەسيە بەرىلەدى»، - دەدى ق ر مادەنيەت جانە سپورت ءمينيسترى.

زيالى قاۋىم وكىلدەرى بيىلعى پرەزيدەنت جولداۋىنداعى الەۋمەتتىك ماسەلەلەردى شەشۋگە باعىتتالعان بولىگىنە ريزاشىلىقتارىن جەتكىزدى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات