ءابىش كەكىلبايەۆتىڭ اتىنا كوشە اتاۋى بەرىلدى
الماتىداعى كابلۋكوۆا كوشەسى ەندى ءابىش كەكىلبايەۆ دەپ اتالاتىن بولدى.
كوشەنىڭ اشىلۋ راسىمىنە الماتى اكىمى باقىتجان ساعىنتايەۆ قاتىستى.
«بۇگىنگى شارانىڭ الماتى قالاسىندا ءوتۋىنىڭ ماڭىزى زور. ۇلى جازۋشى بوزبالا شاعىندا وسىندا كەلىپ، ءومىرىنىڭ ەڭ باقىتتى دا ماعىنالى شاقتارىن وسى الماتى قالاسىندا وتكىزدى. جازۋشىلىق ونەردىڭ، سۋرەتكەرلىك شەبەرلىكتىڭ شىڭىنا شىقتى. مەملەكەتتىك قىزمەت پەن ساياسات ساحناسىندا جاسىنداي جارقىلداپ، ءسوز باستار شەشەنگە، وي تاستار كوسەمگە اينالدى. «جاقسى بولۋدىڭ جاقسىلىق جاساۋدان باسقا جولى جوق» دەيتىن ءابىش كەكىلبايەۆتىڭ سوزىندە دە، شىعارماشىلىعىندا دا جاساندىلىق بولعان جوق. ءابىشتىڭ شىعارمالارىن وقي وتىرىپ، قازاق دەگەن حالىقتىڭ ۇلتتىق مىنەزىن، مادەنيەتىنىڭ سان قىرلى قاتپارىن جازباي تانۋعا بولادى. ول تۋىندىلار ۇلت تاريحىنىڭ جىلناماسىنداي، ءوزىمىز ءومىر ءسۇرىپ جاتقان قوعام مەن زاماننىڭ تىنىسىنداي بولدى»، - دەدى باقىتجان ساعىنتايەۆ.
سونداي-اق، ءابىش كەكىلبايەۆتىڭ 80 جىلدىعىنا وراي، ن. نازاربايەۆ داڭعىلى، 118 دە ەسكەرتكىش تاقتا اشىلادى. اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا مەرەكەلىك كەش وتەدى.
بۇل شارالارعا جازۋشىنىڭ جاقىن تۋىستارى، دوستارى، زامانداستارى، مەملەكەتتىك قىزمەتكەرلەر، مادەنيەت قايراتكەرلەرى قاتىسادى دەپ كۇتىلۋدە.