+7 (701) 759 90 19
-9 °С : نۇر-سۇلتان
0 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

ديپلوممەن باراتىن اۋىلىن جاستار ءوزى تاڭداي الا ما: مينيسترلىكتىڭ جاۋابى

20 قىركۇيەك 13:51
:ءبولىسۋ
ديپلوممەن باراتىن اۋىلىن جاستار ءوزى تاڭداي الا ما: مينيسترلىكتىڭ جاۋابى

نۇر-سۇلتان. قازاقپارات – ق ر ۇلتتىق ەكونوميكا مينيسترلىگى ۆەدومستۆونىڭ Facebook-تەگى رەسمي پاراقشاسىندا «ديپلوممەن اۋىلعا» باعدارلاماسىنا قاتىستى ساۋالدارعا جاۋاپ بەرىپ جاتىر، دەپ حابارلايدى قازاقپارات ءتىلشىسى.

بەس كۇننىڭ ىشىندە ينتەرنەت-كونفەرەنسياعا جەلى قولدانۋشىلارىنان 360 تان استام ساۋال تۇسكەن. ول سۇراقتاردىڭ بارىنە ق ر ۇلتتىق ەكونوميكا ۆيتسە-ءمينيسترى ەرمەك الپىسوۆ جاۋاپ بەرىپ جاتىر. اقپاراتتىق ءتۇسىندىرۋ شاراسىنا قاي ءوڭىردىڭ جاستارى بەلسەندى قاتىسىپ جاتقانىن مينيسترلىكتىڭ باسپا ءسوز حاتشىسى شىڭعىس ءىلياسوۆ ايتىپ بەردى.

«كونفەرەنسيانىڭ قورىتىندىسى بۇگىن شىعادى. اپتا باسىنان بەرى 360 تان استام ساۋال ءتۇستى. رەسمي پاراقشا ارقىلى مەديتسينا، پەداگوگيكا، مادەنيەت جانە اۋىل شارۋاشىلىعى سالاسى بويىنشا ءبىلىم بەرەتىن جوعارى وقۋ ورىندارىنىڭ تۇلەكتەرى مەن ستۋدەنتتەرى حابارلاسىپ جاتىر. اسىرەسە، قوستاناي، اقتوبە، قىزىلوردا، تاراز، قاراعاندى، ورال، تۇركىستان قالالارىندا ءبىلىم الىپ جاتقان جاستار بەلسەندى قاتىسۋدا. ساۋالداردىڭ مازمۇنى ءارتۇرلى. سونىڭ ىشىندە «ديپلوممەن اۋىلعا» باعدارلاماسى بويىنشا بارعىم كەلگەن اۋىلدى تاڭداي الامىن با؟» دەگەن ساۋال ءجيى قويىلدى. ارينە، تاڭداي الادى. مىسالى، تۇلەك تۇركىستان وبلىسىنىڭ قاراساي اۋدانىنىڭ جيرەنقوپا اۋىلىنا بارعىسى كەلدى دەيىك. اۋەلى قاراساي اۋدانىنا بارۋى كەرەك. «ديپلوممەن اۋىلعا» باعدارلاماسى بويىنشا مامان قابىلدايتىن كوميسسيا بار. وعان اۋدان اكىمى نەمەسە ورىنباسارى ءتوراعالىق ەتەدى. سول كوميسسياعا قۇجاتتارىن وتكىزىپ، تاڭداعان اۋىلىن كورسەتۋى ءتيىس. كوميسسيا كورسەتىلگەن اۋىلعا سۇرانىپ وتىرعان ماماننىڭ قاجەتتىلىگىن قاراپ، قۇجاتتارى تالاپقا قانشالىقتى ساي ەكەنىن ساراپتايدى. ەگەر اۋىلعا قاجەتتى ماماندىق بويىنشا ءبىلىم العان تۇلەك بولسا، كوميسسيا وڭ شەشىم شىعارىپ، جاس ماماندى قولداۋعا قاجەت قاراجاتتىڭ ەسەبىن تۇزەدى. وسىنداي دەرەكتەر بۇكىل اۋدانداردان جينالىپ وبلىسقا، وبلىستان بەكىتىلىپ، ۇلتتىق ەكونوميكا مينيسترلىگىنە تۇسەدى. مينيسترلىك سول قۇجاتتار بويىنشا قاجەتتى قارجىنى بولەدى. ساۋال يەلەرىنە وسى ماعىنادا جاۋاپ بەرىلىپ جاتىر»، - دەيدى مينيسترلىك وكىلى.

باسپا ءسوز حاتشىنىڭ ايتۋىنا قاراعاندا، ۇلتتىق ەكونوميكا مينيسترلىگى بۇدان ءارى قاراي دا جۇرتپەن كەرى بايلانىستى نىعايتا بەرمەك.

«پاراقشاعا پىكىر قالدىرماي، جەكە اككاۋنت ارقىلى حابارلاما جولداپ جاتقاندار بار. كەشكە دەيىن ساۋالدار سانى 500 دەن اسۋى ىقتيمال. ۆيتسە-مينيستر ساۋالدارعا مۇمكىندىگىنشە قولما-قول جاۋاپ بەرۋدە. ال زەردەلەپ، ناقتىلاۋدى تالاپت ەتەتىن ساۋالدار تاقىرىبىنا قاراي توپتالىپ جاتىر. ءاربىر ساۋال يەسى تولىققاندى جاۋاپ الاتىن بولادى. بۇل كونفەرەنسيانىڭ نەگىزگى ماقساتى - تۇلەكتەر مەن ستۋدەنتتەرگە اقپاراتتىق كومەك بەرۋ. ق ر پرەزيدەنتىنىڭ جولداۋىندا «ديپلوممەن اۋىلعا» باعدارلاماسىنا بولىنەتىن قارجىنى كوبەيتۋ تاپسىرىلعان بولاتىن. ينتەرنەت كونفەرەنسيا سول تاپسىرمانى ورىنداۋ ماقساتىندا ۇيىمداستىرىلدى. ءبىراق حالىقپەن الەۋمەتتىك جەلى ارقىلى كەرى بايلانىس ورناتۋ بۇل شارامەن شەكتەلەدى دەگەن وي قالىپتاسپاۋى كەرەك. ءبىزدىڭ پاراقشاعا تۇسكەن ءاربىر ساۋال مەن ۇسىنىستى ۋاقتىلى تالداپ، جاۋاپ بەرىپ وتىرۋ جاعى جولعا قويىلعان»، - دەيدى شىڭعىس ءىلياسوۆ.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات