+7 (701) 759 90 19
7 °С : نۇر-سۇلتان
10 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

قورقىتتىڭ دانالىق سوزدەرى

20 قىركۇيەك 12:50
:ءبولىسۋ
قورقىتتىڭ دانالىق سوزدەرى

نۇر-سۇلتان. قازاقپارات - باسىلىم ءۇش تىلدە جارىق كوردى. قىزىلوردا وبلىستىق «رۋحاني جاڭعىرۋ» ورتالىعىنىڭ باستاماسىمەن «قورقىت اتانىڭ دانالىق سوزدەرى» اتتى كىتاپ قازاق، ورىس جانە اعىلشىن تىلدەرىندە جارىق كوردى.

كىتاپتى قۇراستىرۋشى جانە جوبا اۆتورى وسى ورتالىق قىزمەتكەرى، بەلگىلى تۇركىتانۋشى، فيلولوگيا عىلىمدارىنىڭ كانديداتى سەرىكباي قوسان.

ءۇش مىڭ دانا تارالىممەن «تۇمار» باسپاسىنان جارىق كورگەن تۋىندىداعى ماتىندەردىڭ قازاق تىلىندەگى نۇسقاسى پروفەسسور ب. ىسقاقوۆتىڭ اۋدارماسى نەگىزىندە ازىرلەنىپ، ازداعان تۇزەتۋلەر ەنگىزىلىپتى. ال ورىس تىلىندەگى ماتىنىنە 1965 -جىلى «كنيگا موەگو دەدا كوركۋتا» دەگەن اتاۋمەن جارىق كورگەن اكادەميك ۆ. ۆ. بارتولدتىڭ اۋدارماسى نەگىز بولىپ وتىر.

دۇنيە تىلسىمىن قوبىز سارىنىنان ىزدەگەن بابا ناقىلىنىڭ ورىس، اعىلشىن تىلىندەگى نۇسقالارى ۇلتتىق اۋدارما بيۋروسى ماماندارىنىڭ كومەگىمەن ازىرلەندى.

– جالپى قورقىت اتا كۇللى تۇركىگە ورتاق بولعانىمەن ونىڭ تۋعان توپىراعى، ءومىر سۇرگەن ورتاسى، ماڭگىلىك مەكەن تاپقان جەرى وسى سىر ءوڭىرى. بۇعان وسى باعىتتا كوپ ەڭبەكتەنگەن اكادەميك ۆ. جيرمۋنسكييدىڭ «سىرداريا جاعاسىندا قورقىتتى قۇرمەتتەۋدىڭ مىڭ جىلدىق ونەگەسى بار» دەگەن سوزىنەن اسقان دالەلدىڭ قاجەتى دە جوق شىعار.

سوندىقتان دا ەلباسى باستاماشى بولعان «رۋحاني جاڭعىرۋ» باستاماسى اياسىندا بابا مۇراسى ارقىلى حالىقتىڭ فيلوسوفيالىق دۇنيەتانىمىن كەڭەيتە ءتۇسۋ ماقساتىندا وسى ءىستى قولعا الدىق، - دەيدى جوبا اۆتورى.

- باستامامىزدى بىردەن قولداپ اكەتكەن ەل ازاماتتارىنا العىستان باسقا ايتارىمىز جوق. سونىڭ ارقاسىندا يدەيا يگىلىكتى ىسكە اينالىپ، كىتاپ وقىرماندار قولىنا تيگەلى تۇر. عالىمنىڭ ايتۋىنشا، كىتاپ ءماتىنى ءبىلىم جانە عىلىم مينيسترلىگى عىلىم كوميتەتى ورتالىق عىلىمي كىتاپحاناسىنىڭ سيرەك قورى مەن م. اۋەزوۆ اتىنداعى ادەبيەت جانە ونەر ينستيتۋتىنىڭ قولجازبا قورىندا ساقتالعان ماتەريالدار نەگىزىندە جانە 1999 -جىلى جارىق كورگەن «قورقىت اتا ەنسيكلوپەدياسىندا» جارىق كورگەن نۇسقالار نەگىزىندە دايىندالعان.

جيناقتا ۇلى دالاداعى ۇزاندار كوشىن باستاعان قورقىت تۇلعاسىنا بايلانىستى تۇركىتانۋشى عالىمداردىڭ قۇندى وي-پىكىرلەرى دە بەرىلىپ وتىر. وبلىستىق «رۋحاني جاڭعىرۋ» ورتالىعى جىل سوڭىنا دەيىن ايماقتاعى ساكرالدى مۇرالار جايلى كىتاپ پەن سىر سۇلەيى تۇرماعامبەتتىڭ بۇرىن ەش جەردە جاريالانباعان جىرلارىنان جيناق شىعارۋدى جوسپارلاپ وتىر.

Aikyn.kz



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات