+7 (701) 759 90 19
7 °С : نۇر-سۇلتان
10 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

ماسكەۋ مەن كيەۆ ۋكراينا ارقىلى گاز تاسىمالداۋدى تالقىلادى

20 قىركۇيەك 11:44
:ءبولىسۋ
ماسكەۋ مەن كيەۆ ۋكراينا ارقىلى گاز تاسىمالداۋدى تالقىلادى

نۇر-سۇلتان. قازاقپارات – 19- قىركۇيەكتە رەسەي جانە ۋكراينا وكىلدەرى بريۋسسەلدە ۋكراينا ارقىلى گاز تاسىمالداۋ ماسەلەسىن تالقىلادى.

رەسەي جاعىنان كەلىسسوزگە ەنەرگەتيكا ءمينيسترى الەكساندر نوۆاك جانە «گازپروم» كومپانياسىنىڭ باسقارما ءتوراعاسى الەكسەي ميللەر قاتىستى. ال ۋكراينالىق دەلەگاتسيا توبىن ەنەرگەتيكا ءمينيسترى الەكسەي ورجەل جانە «نافتوگاز» كومپانياسىنىڭ باسشىسى اندرەي كوبولوۆ باسقاردى

كەزدەسۋ 40 مينۋتقا سوزىلدى. ەكى تاراپ تا كەلىسسوز «كونسترۋكتيۆتى» ءوتتى دەپ باعالادى. الايدا كەلىسسوزدە ۋكراينا ارقىلى تاسىمالداناتىن گاز كولەمى ايتىلمادى. تاراپتار ماسەلەنىڭ زاڭنامالىق جاعىنا كوبىرەك نازار اۋدارىپ، ءبىر ايدان سوڭ كەلىسسوزدى جالعاستىرماق بولىپ كەلىستى.

قازىرگى كەلىسىم-شارتتىڭ مەرزىمى 2019-جىلى 31- جەلتوقساندا اياقتالادى. ەۋروكوميسسيا بۇعان دەيىن ماسكەۋ مەن كيەۆكە 10 جىلعا سوزىلاتىن كەلىسىم-شارتقا قول قويۋدى ۇسىنعان.

نوۆاك ماسكەۋدىڭ كەلەسى جىلدان باستاپ جاڭا ەۋروپالىق زاڭناما بويىنشا جۇمىس ىستەۋگە دايىن ەكەنىن جەتكىزگەن. بۇل زاڭعا سايكەس، «نافتوگاز» كەلىسىم-شارت بولماسا دا گاز تاسىمالداۋعا ءتيىس. نوۆاكتىڭ ايتۋىنشا، رەسەي ەگەر ۋكراينا 2020-جىلدىڭ باسىنا دەيىن ەۋروپالىق نورمانى ەنگىزىپ ۇلگەرمەسە، گاز تاسىمالداۋ بويىنشا قىسقا مەرزىمدى كەلىسىم-شارتقا قول قويۋدى ۇسىنعان.

ال ورجەل ەكى تاراپتىڭ جىل سوڭىنا دەيىن كەلىسىم-شارت جاساسىپ ۇلگەرمەۋى مۇمكىن ەكەنىن ايتىپ، الايدا ۋكراينا جاعى قۇجاتقا قول قويىلادى دەپ ۇمىتتەنەتىنىن جەتكىزگەن. رەسەي جاعى ۋكراينا ارقىلى ەۋروپاعا 2020-جىلى گاز تاسىمالداۋدى جالعاستىرا بەرەتىنىنە سەنىمدى ەكەنىن اتاپ وتكەن.

ۋكراينا بىرنەشە جىل بۇرىن رەسەيدەن تىكەلەي گاز ساتىپ الۋدان باس تارتقان. الايدا ونىڭ اۋماعىنان ورتالىق جانە وڭتۇستىك ەۋروپاعا قاراي ماگيسترالدى گاز قۇبىرى وتەدى. ترانزيتتى توقتاتۋ بۇل ەلدەردىڭ گازسىز قالۋ قاۋپىن ۇلعايتا تۇسەدى. بۇعان دەيىن گەرمانيا بيلىگى 2019-جىلدان كەيىن دە گاز تاسىمالداۋ جالعاسۋى ءتيىس دەپ بىرنەشە رەت ەسكەرتكەن.

«ازاتتىق»


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات