الماتىدا ەسىرتكىنى جارنامالاعان ەكى ەر ادام ۇستالدى
جىبەك جولى كوشەسىندە ورنالاسقان كەڭسەلەردىڭ ءبىرىنىڭ قىزمەتكەرلەرى پوليتسياعا بىرنەشە رەت حابارلاسقان. ولار بەلگىسىز بىرەۋلەردىڭ ەسىرتكى جارناماسىن عيماراتتىڭ قاسبەتىنە جانە تەرمينالدىڭ بەتىنە ءىلىپ كەتكەنىن ايتقان.
«بۇگىن كەڭسە كۇزەتشىلەرى كۇدىكتى ەكى ادامدى بايقاپ قالىپ، ۋچاسكەلىك ينسپەكتورعا حابارلادى. بۇل ادامدار بانكوماتتىڭ قابىرعاسىنا ترافارەتتى قولدانۋ ارقىلى ەسىرتكىنىڭ جارناماسىن جابىستىرعان. ەكەۋىدە پوليتسياعا جەتكىزىلدى. ازامات م. تۇركىستان وبلىسىنىڭ تۋماسى 2000 -جىلى دۇنيەگە كەلگەن. ەكىنشى كۇدىكتى 1997 -جىلى تۋعان ح.، الماتى وبلىسىنىڭ تۋماسى. ۇستالعانداردىڭ ايتۋىنشا، ولار جارناما ءۇشىن كۇنىنە 15 مىڭ تەڭگە تاپقان. ولاردىڭ مىندەتى حالىق كوپ جينالاتىن جەرلەرگە 30 جازبانى جابىستىرۋ بولعان»، - دەدى مەدەۋ اۋدانىنىڭ پوليتسيا باسقارماسىنىڭ باستىعى بولات توتىبايەۆ.
ايتا كەتسەك، ۇستالعان ەكى كۇدىكتى بۇعان دەيىن دە ۇرلىق جانە بوپسالاۋشىلىق ءۇشىن جاۋاپقا تارتىلعان.
اۆتور: الما مۇقانوۆا