+7 (701) 759 90 19
-9 °С : نۇر-سۇلتان
0 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

كۇرەس تۇرلەرىنەن الەم چەمپيوناتى: بۇگىن - «التىنعا» تالاساتىن كۇن

20 قىركۇيەك 10:29
:ءبولىسۋ
كۇرەس تۇرلەرىنەن الەم چەمپيوناتى: بۇگىن - «التىنعا» تالاساتىن كۇن

نۇر-سۇلتان. قازاقپارات - ەلوردا تورىندە كۇرەس تۇرلەرىنەن ءوتىپ جاتقان ليتسەنزيالىق الەم چەمپيوناتىنىڭ جەتىنشى جارىس كۇنى باستالادى.

بۇگىن ەركىن كۇرەس بالۋاندارى 70، 74، 92 جانە 125 كەلىدە ءوزارا مىقتىنى انىقتايدى، دەپ حابارلايدى قازاقپارات ءتىلشىسى.

ايتا كەتەيىك، كەشە ايەلدەر كۇرەسىنەن 62 جانە 68 كەلى سالماقتاعى، ەركىن كۇرەستەن 57 جانە 65 كەلى سالماق دارەجەسىندەگى فيناليستەر انىقتالعان بولاتىن. بۇگىن اتالعان ساناتتاعى بالۋاندار جۇلدەلى ورىنداردى ساراپقا سالادى.

سونداي-اق، كەشە ايەلدەر كۇرەسىنەن 57، 59، 65 جانە 76 كەلىدە چەمپيوندار مەن جۇلدەگەرلەر ەسىمى بەلگىلى بولدى.

الەم چەمپيوناتىنىڭ التىنشى كۇنى قازاق بالۋاندارى ءۇشىن تابىستى بولدى دەسەك تە بولادى. سەبەبى، كەشە بالۋاندارىمىز توكيو وليمپياداسىنا ءبىر ەمەس، ءۇش بىردەي جولداما جەڭىپ الدى.

اتاپ ايتار بولساق، ايەلدەر كۇرەسىنەن 76 كەلى سالماقتاعى ەلميرا سىزدىقوۆا، ەركىن كۇرەستەن ەرلەر اراسىندا 57 كەلىدە ەل نامىسىن قورعاعان نۇريسلام سانايەۆ جانە 65 كەلى سالماق دارەجەسىندە داۋلەت نيازبەكوۆ وليمپيادا جولداماسىنا يەلىك ەتتى. سونىڭ ىشىندە نيازبەكوۆ فينالعا شىعىپ، جانكۇيەرلەرىن ءبىر جەلپىندىرىپ تاستادى. ەندى بۇگىن ول الەم چەمپيوناتىنىڭ «التىنى» ءۇشىن سىنعا تۇسەدى.

كۇرەس تۇرلەرىنەن الەم چەمپيوناتىنىڭ 20- قىركۇيەك كۇنگى جارىس كەستەسى تومەندەگىدەي:

11.00-16.00 - ەركىن كۇرەستەن 70، 74، 92 جانە 125 كەلى سالماق دارەجەسىندەگى ىرىكتەۋ اينالىمى؛

11.00-16.00 - ايەلدەر كۇرەسىنەن 62 جانە 68 كەلى، ەركىن كۇرەستەن 57 جانە 65 كەلى سالماق دارەجەسىندەگى جۇبانىش بەلدەسۋلەرى؛

16.45 - 17.45 - ەركىن كۇرەستەن 70، 74، 92 جانە 125 كەلى سالماق دارەجەسىندەگى جارتىلاي فينالدىق باسەكەلەر؛

18.00-21.00 - ايەلدەر كۇرەسىنەن 62 جانە 68 كەلى، ەركىن كۇرەستەن 57 جانە 65 كەلى سالماق دارەجەسىندەگى فينالدىق بەلدەسۋلەر جانە ماراپاتتاۋ ءراسىمى.

اۆتور: كۇنسۇلتان وتارباي


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات