قازاقستان مەن جاپونيا يادرولىق قارۋسىز الەم قالىپتاستىرۋعا شاقىردى

None
None
توكيو. قازاقپارات - توكيو قالاسىنداعى ب ۇ ۇ ۋنيۆەرسيتەتىندە (جاپونيا) «قازاقستان- جاپونيا: يادرولىق قارۋسىز الەمگە جول» اتتى حالىقارالىق كونفەرەنسيا ءوتتى، دەپ حابارلايدى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.

كونفەرەنسيا قازاقستان رەسپۋبليكاسىنىڭ تۇڭعىش پرەزيدەنتى - ەلباسى كىتاپحاناسىنىڭ كوشپەلى عىلىمي- ەكسپوزيتسيالىق جوباسى اياسىندا ن. ءا. نازاربايەۆتىڭ يادرولىق قارۋسىز الەم قالىپتاستىرۋ جولىنداعى قوزعالىستى دامىتۋداعى قىزمەتىنە ارنالعان.

كونفەرەنسيانى اشقان قازاقستان رەسپۋبليكاسىنىڭ جاپونياداعى ەلشسى ەرلان باۋداربەك- قوجاتايەۆ قازاقستاننىڭ تۇڭعىش پرەزيدەنتى ن. ءا. نازاربايەۆتىڭ يادرولىق قارۋسىز الەم قالىپتاستىرۋ جولىنداعى قوزعالىستى دامىتۋداعى ۇلەسىن، سونداي-اق قازاقستان مەن جاپونيانىڭ يادرولىق سىناقتارعا تىيىم سالۋداعى تابىستى ءوزارا قارىم- قاتىناسىن اتاپ ءوتتى.

«اعىمداعى جىلدىڭ 29 -تامىزىندا يادرولىق قارۋعا العاش رەت زاڭدىق تۇرعىدان تىيىم سالاتىن تاريحي كەلىسىمنىڭ كۇشىنە ەنۋىنە العى قادام رەتىندە قازاقستان يادرولىق قارۋعا تىيىم سالۋ تۋرالى شارتتى راتيفيكاتسيالاعانى جونىندە رەسمي قۇجاتىن بىرىككەن ۇلتتار ۇيىمىنىڭ حاتشىلىعىنا تاپسىردى. شارتتى راتيفيكاتسيالاۋ ءبىزدىڭ يادرولىق قارۋسىزدانۋ مەن تاراتپاۋداعى جۇمىستارىمىزدى ودان ءارى بەلسەندى تۇردە جالعاستىرۋىمىزعا مورالدىق قۇقىق بەرەدى» - دەدى ە. باۋداربەك- كوجاتايەۆ.

ب ۇ ۇ باس حاتشىسىنىڭ بۇرىنعى ورىنباسارى ياسۋسي اكاسي قۇتتىقتاۋ سوزىندە الەمدىك قاۋىمداستىقتى يادرولىق قارۋدىڭ دۇنيەجۇزىنە كەلتىرەر زارداپ-سالدارلارى تۋرالى اقپاراتتاندىرۋ جولىنداعى جاپونيا مەن قازاقستاننىڭ جىگەرىن جوعارى باعالادى.

«يادرولىق قارۋدى جويۋ ماڭىزدى ماسەلە بولعاندىقتان بىزگە باتىل ءىس-ارەكەتتەردى قابىلداۋدى تالاپ ەتەدى. ءبىز يادرولىق قارۋعا، ونى تاسىمالداۋعا جانە ساقتاۋعا تىيىم سالۋىمىز كەرەك. يادرولىق قارۋسىزدانۋعا قاتىستى ساياساتتىڭ اشىقتىعىن قامتاماسىز ەتۋىمىز كەرەك. قازاقستان عانا ەمەس، ورتالىق ازيانىڭ باسقا ەلدەرىنىڭ دە يادرولىق قارۋدان ازات ايماق بولۋى ءۇشىن جاپونيا بىرىككەن ۇلتتار ۇيىمىنا يادرولىق قارۋدى تاراتپاۋ تۋرالى ۇسىنىسىن ەنگىزدى»، - دەدى يا. اكاسي.

ءوز كەزەگىندە ەلباسى كىتاپحاناسىنىڭ ديرەكتورى، ساياسي عىلىمداردىڭ دوكتورى، پروفەسسور ءامىرحان راحىمجانوۆ كونفەرەنسيا قورىتىندىسى يادرولىق قارۋسىز الەم قالىپتاستىرۋ ىسىنە قوماقتى ۇلەس قوساتىنىنا سەنىمىن ءبىلدىردى.

«جاھاندىق جانە ايماقتىق قاۋىپسىزدىككە جاڭا سىن-قاتەر ءتونىپ تۇرعان زاماندا جاپپاي قىرىپ- جويۋدىڭ باستى قۇرالىنا اينالعان يادرولىق قارۋ مەن باسقا دا قارۋ تۇرلەرىنىڭ ادامزاتقا ءتونىپ تۇرعان ەڭ باستى قاۋىپ ەكەنى انىق.

زالالى مول تەرىس ۇردىستەردى جويۋ ءۇشىن الەمدىك ساياسات ورتاق مۇددەنى قولداۋى ءتيىس. بۇل ءىستىڭ ورىندالۋىندا قازاقستان مەن جاپونيا ىنتىماقتاستىعىنىڭ ماڭىزدىلىعى زور. نۇرسۇلتان ءابىش ۇلى نازاربايەۆ: «ىدىراعان اتوم الەم بىرلىگىن ىدىراتپاۋى ءتيىس. وعان جول بەرمەۋدە ءارقايسىمىز بىردەي جاۋاپتىمىز»، - دەگەن بولاتىن.

جەر بەتىندەگى ەلدەردىڭ ۇلتتىق قاۋىپسىزدىگىن يادرولىق قارۋسىز- اق قامتاماسىز ەتۋگە بولادى. ونىڭ باستى كىلتى مەملەكەتتەردىڭ تۇتاستىعى مەن مۇددەلەردىڭ ىنتىماقتاستىعى ەكەنىنە قازاقستان كامىل سەنەدى»، - دەدى ءا. راحىمجانوۆ.

«اتوم» جوباسىنىڭ قۇرمەتتى ەلشىسى كارىپبەك كۇيىكوۆ كونفەرەنسيا اياسىندا جاپون قوعامداستىعىنا انتيادرولىق تاقىرىپقا ارنالعان كوركەمونەر تۋىندىلارىن ۇسىندى. ول ءوز سوزىندە ەلباسىنىڭ يادرولىق قارۋسىز الەم قالىپتاستىرۋ جولىنداعى ۇلەسىن، سونداي-اق قازاقستاننىڭ يادرولىق قارۋ ارسەنالىنان ءوز ەركىمەن باس تارتقان الەمدەگى ءبىرىنشى، ءارى وسى ۋاقىتقا دەيىن جالعىز مەملەكەت ەكەنىنە ەرەكشە نازار اۋداردى.

توكيوداعى ناگاساكي وكىلدىگىنىڭ باسشىسى حيساتو ميتسۋتاكە ناگاساكي قالاسىنىڭ ءمەرى توميحيسا ءتاۋەنىڭ ۇندەۋىن وقىپ بەردى. ۇندەۋدە ءىس-شارا ۇيىمداستىرۋشىلارىنا يادرولىق قارۋدى جويۋ مەن الەمدە بەيبىتشىلىكتى نىعايتۋ ىسىندەگى جىگەرلەرى ءۇشىن العىس ايتىلعان.

«ءوز تاريحىندا وسىنشاما سىناقتان وتكەن ناگاساكي، شىن جۇرەكتەن مىنانى تىلەيدى: ناگاساكي جەر جۇزىندەگى اتوم بومباسى جارىلعان ەڭ سوڭعى قالا بولماق. الەمدە ءالى كۇنگە دەيىن 14 مىڭعا جۋىق يادرولىق جارىلعىشتار بار، يادرولىق قارۋ بويىنشا حالىقارالىق جاعداي ءالى تۇبەگەيلى شەشىلمەگەن. ازاماتتىق قوعام ءدال قازىر توپتاسىپ، يادرولىق قارۋسىز الەم قالىپتاستىرۋعا ۇندەۋ جاريالاۋى كەرەك» - دەپ، وقىدى ح. ميتسۋتاكە.

گوي بەيبىتشىلىك قورىنىڭ پرەزيدەنتى حيروو سايوندجي ءوز سوزىندە قازاقستان رەسپۋبليكاسى تۇڭعىش پرەزيدەنتىنىڭ 2016 -جىلعى «يادرولىق قارۋسىزدانۋ جانە تاراتپاۋ ىسىنە قوسقان ۇلەسى ءۇشىن» بەيبىتشىلىك مادەنيەتى ارناۋلى سىيلىعىنا يە بولعانىن اتاپ ءوتتى.

«قازاقستان مەن جاپونيا يادرولىق قارۋدان زارداپ شەكتى. ءبىزدىڭ مىندەتىمىز - بولاشاق ۇرپاققا وسى قاسىرەتتىڭ بولعانىن جەتكىزۋ. ءبىزدىڭ، جاپونيا مەن قازاقستاننىڭ ورتاق ميسسياسى وسى. بۇل ءىستىڭ باستاۋى - الەم حالقىنىڭ ويىن وزگەرتىپ، ورتاق جىگەرىمىزدى يادرولىق قارۋدان ازات الەمدى قۇرۋعا باعىتتاۋ»، - دەدى، پىكىرىن بىلدىرگەن ح. سايوندجي.

كونفەرەنسيادان كەيىن بولعان قابىلداۋدا ءسوز العان قازاقستانمەن دوستىق جاپوندىق پارلامەنتتىك ليگانىڭ ءتوراعاسى تاكەو كاۆامۋرا جاپونيا مەن قازاقستان اراسىنداعى يادرولىق قارۋدى تاراتپاۋ سالاسىنداعى قارىم- قاتىناستىڭ ەرەكشە ماڭىزدىلىعىن اتاپ، ەكى ەلدىڭ وسىنداي ۇستانىمى الەمدەگى تەڭدەسسىز ۇلگى ەكەندىگىن ايتتى.

كونفەرەنسيا قاتىسۋشىلارىنا ەلباسى كىتاپحاناسىنىڭ عىلىمي- ەكسپوزيتسيالىق جوباسى اياسىندا قازاقستان رەسپۋبليكاسى پرەزيدەنتىنىڭ تەلەراديوكەشەنى دايىنداعان فيلم ۇسىنىلدى. فيلم جوبا تاقىرىبىنىڭ وزىندىك العى ءسوزى ىسپەتتى بولدى.

كونفەرەنسياعا قاتىسقان 300-دەي ادام يادرولىق مەملەكەتتەر كوشباسشىلارىنا زاڭدى تۇردە يادرولىق سىناقتارعا تىيىم سالاتىن جانە يادرولىق سىناقتارعا جالپىعا بىردەي تىيىم سالۋ تۋرالى شارتتىڭ كۇشىنە ەنۋىن قامتاماسىز ەتۋگە شاقىرعان «اتوم» جوباسىنىڭ پەتيتسياسىنا قول قويدى.

ءىس- شارانى قازاقستان رەسپۋبليكاسىنىڭ تۇڭعىش پرەزيدەنتى - ەلباسى كەڭسەسى مەن قورىنىڭ قولداۋىمەن ەلباسى كىتاپحاناسىمەن بىرلەسە قازاقستاننىڭ جاپونياداعى ەلشىلىگى جانە گوي بەيبىتشىلىك قورى ۇيىمداستىردى.

قازاقستان رەسپۋبليكاسىنىڭ تۇڭعىش پرەزيدەنتى - ەلباسى كىتاپحاناسىنىڭ «قازاقستان- جاپونيا: يادرولىق قارۋسىز الەمگە جول» كوشپەلى عىلىمي- ەكسپوزيتسيالىق جوباسىنا حالىقارالىق كونفەرەنسيامەن قاتار توكيو قالاسىنداعى ب ۇ ۇ ۋنيۆەرسيتەتىندە بۇگىن اشىلعان ەلباسى كىتاپحاناسى قورلارىنىڭ كورمەسى دە كىرەدى.

ەكسپوزيتسيادا قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ يادرولىق قارۋدان ازات الەم قۇرۋ جونىندەگى باستامالارى سەمەي يادرولىق سىناق پوليگونى جابىلعاننان كەيىن العاش رەت شەتەلدىك قوعامداستىققا ۇسىنىلدى.

كورمەدە اتوم قۋاتىن بەيبىت ماقساتتا قولداناتىن يادرولىق قارۋدان ازات الەم تۇجىرىمداماسىنىڭ باستاۋى مەن مازمۇنىن تولىق كولەمدە كورسەتەتىن 350 دەن استام ساقتاۋ بىرلىكتەن تۇراتىن ەكسپوناتتار، ارحيۆتىك قۇجاتتار، فوتو- جانە بەينەماتەريالدار ۇسىنىلعان.

مۋزەيلىك، ارحيۆتىك جانە كىتاپ ماتەريالدارى نەگىزىندە يادرولىق قارۋسىزدانۋ جانە جاھاندىق قاۋىپسىزدىك جۇيەسىن قۇرۋ مەن دامىتۋدىڭ قاعيداتتارىن جاساقتاعان قازاقستان رەسپۋبليكاسى تۇڭعىش پرەزيدەنتىنىڭ جاھاندىق اۋقىمدى تۇلعاسى كورسەتىلگەن.



سوڭعى جاڭالىقتار