+7 (701) 759 90 19
-10 °С : نۇر-سۇلتان
-2 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

ماڭعىستاۋ مەكتەپتەرىندە ەلۋگە جۋىق «ءابىش تانۋ» كابينەتتەرى بار

20 قىركۇيەك 07:32
:ءبولىسۋ
ماڭعىستاۋ مەكتەپتەرىندە ەلۋگە جۋىق «ءابىش تانۋ» كابينەتتەرى بار

ماڭعىستاۋ وبلىسى. قازاقپارات - ماڭعىستاۋ مەكتەپتەرىندە ەلۋگە جۋىق «ءابىش تانۋ» كابينەتتەرى اشىلعان.

​ بۇل جونىندە بۇگىن وڭىرلىك كوممۋنيكاتسيالار قىزمەتى الاڭىندا وتكەن بريفينگتە ماڭعىستاۋ وبلىستىق ءبىلىم باسقارماسىنىڭ باسشىسى اسقار سەيداليەۆ مالىمدەدى.

بىلتىرعى وقۋ جىلىندا ماڭعىستاۋ وبلىسىندا ءابىش كەكىلباي ۇلىنىڭ تۋعانىنا 80 جىل تولۋىنا وراي بارلىق مەكتەپ وقۋشىلارى مەن ۇستازدار اراسىندا ءتۇرلى باعىتتا مەكتەپىشىلىك تانىمدىق-مادەني شارالار، اشىق سىنىپ ساعاتتارى مەن تاربيە ساعاتتارى، دەسانت ساباقتار ۇيىمداستىرىلعان.

«ءابىش كەكىلبايەۆ - زامانىمىزدىڭ ءبىر زاڭعار تۇلعاسى» اتتى رۋحاني جاڭعىرۋ باعدارلاماسى اياسىندا وقۋشىلاردى جازۋشى ءومىرى مەن شىعارماشىلىق جولىنان ماعلۇمات بەرۋ، وقۋشىلاردى پاتريوتتىققا تاربيەلەۋ ماقساتىندا سەمينارلار ءوتىپ، كەمەل ەلدىڭ كەمەڭگەر قالامگەرىنىڭ ەڭبەكتەرىن ناسيحاتتاۋ باعىتىندا ونىڭ وتباسىمەن ۇزەڭگىلەس دوستارى تۋرالى بەينەروليكتەر كورسەتىلگەن. «ءابىش وسكەن ولكە»، «ماڭعىستاۋ زاڭعارى- ءابىش اعا»، «قالامگەر، قايراتكەر، ساياساتكەر- ءابىش» تاقىرىپتارىندا باستاۋىش سىنىپ وقۋشىلارىنا سىنىپ ساعاتتارى وتكىزىلىپ، «ماڭعاز دالانىڭ زاڭعار تۇلعاسى» تاقىرىبىندا مادەني شارا، ءا. كەكىلباي ۇلىنىڭ «كۇي» پوۆەسى بويىنشا كىتاپ كونفەرەنسياسى، «اڭىزعا اينالعان ابىز» كوركەم ءسوز وقۋ بايقاۋى وتكىزىلىپ، «پاراسات بيىگىندە» جازۋشىنىڭ ساياسي قىزمەتىنەن وقۋشىلارعا مالىمەتتەر بەرىلگەن.

«وبلىستىق «ماڭعىستاۋناما-2018» تانىمدىق شاراسى ءا. كەكىلبايەۆتىڭ 80-جىلدىعىنا ارنالىپ، شاراعا وبلىس بويىنشا 26 ءمۇعالىم قاتىسقان. شارا بارىسىندا ء«ابىش كەكىلبايەۆ شىعارماشىلىعى مەن ومىرىنە ارنالعان وقۋ- تانىمدىق كابينەتتەر بايقاۋى»، «ءابىش كەكىلبايەۆ شىعارماشىلىعىنان مۇعالىمدەردىڭ دەسانت ساباقتار بايقاۋى» ، ء«ابىش كەكىلبايەۆ ەڭبەكتەرىندەگى دانالىق سوزدەر جيناعىن شىعارۋ» جانە «تۋعان جەر ءوزىڭ دەگەندە...» تاقىرىبىمەن ءابىش كەكىلبايەۆتىڭ ءبىر شىعارماسى بويىنشا ىزدەنىس جوبا بايقاۋى» وتكىزىلدى. قورىتىندىسىندا جەڭىمپاز مۇعالىمدەر ءبىلىم باسقارماسىنىڭ ديپلومدارىمەن جانە باعالى سىيلىقتارىمەن ماراپاتتالدى. سونداي-اق ناۋرىز ايىندا وقۋشىلار اراسىندا وتكەن وبلىستىق سىرتتاي «ءا. كەكىلبايەۆ شىعارمالارىنان سۋرەتتەر» بايقاۋىنا 13 وقۋشى قاتىستى»، - دەدى بريفينگ بارىسىندا ماڭعىستاۋ وبلىستىق ءبىلىم باسقارماسىنىڭ باسشىسى.

سونداي-اق بريفينگتە قىركۇيەك-قازان ايلارىندا اۋدان، قالا مەكتەپتەرىندە ءابىش كەكىلبايەۆتىڭ 80 جىلدىعىنا وراي ءبىرقاتار شارالار ۇيىمداستىرىلماق.

ماڭعىستاۋ وبلىسى مەكتەپتەرىندە 47 «ءابىش تانۋ» كابينەتتەرى اشىلعان. قازان ايىندا بەينەۋ اۋدانىنداعى سام ورتا مەكتەبىندە تاعى 1 كابينەت اشىلادى. مۇعالىمدەر اراسىندا وبلىستىق «عۇلاما تۇلعا - عيبراتتى عۇمىر» تاقىرىبىندا وبلىستىق ساحنالىق قويىلىم بايقاۋى جانە «ءا. كەكىلبايەۆتىڭ كەڭىستىگى» اتتى وبلىستىق جانە حالىقارالىق عىلىمي - تەوريالىق كونفەرەنسياسى وتەتىن بولادى.

«ابىز اعا - ءابىش» بايقاۋىنىڭ جەڭىمپازدارىنا ارنايى شاكىرتاقى تاعايىندالادى.


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات