ا ق ش اسكەري- تەڭىز كۇشتەرى بەيمالىم ۇشاتىن نىسان تۇسىرىلگەن ۆيدەونى راستادى
رەسمي تۇلعالار بۇل نىساننىڭ نە ەكەنىن بىلمەيتىنىن ءمالىم ەتتى، دەپ حابارلايدى قازاقپارات CNN گە سىلتەمە جاساپ.
ا ق ش اسكەري تەڭىز فلوتىنىڭ باسپا ءسوز حاتشىسى دجوزوف گرەديشەر CNN گە بەرگەن سۇحباتىندا جاريالانعان ءۇش بەينەماتەريالدا «بەيمالىم ۇشاتىن نىساندار» تۇسىرىلگەنىن راستادى.
2017 -جىلعى جەلتوقسان مەن 2018 -جىلعى ناۋرىز ارالىعىندا To The Stars Academy of Arts Sciences جاريالاعان ۆيدەودا اۋەدە جىلدام ءۇشىپ جۇرگەن سوپاقشا نىساندار كورىنەدى. ولار ينفراقىزىل سەنسور كومەگىمەن تۇسىرىلگەن.
2004 -جىلعى كادرلاردا سەنسورلار نىساندى ۇشىپ بارا جاتقان كۇيىندە تۇسىرگەن. الايدا نىسان جىلدامدىعى تەز ۇدەگەندىكتەن انىق تۇسىرە الماعان. 2015 -جىلعى ەكى ۆيدەودا نە كورگەنىن ۇقپاي وتىرعان امەريكالىق جويعىش ۇشاق پيلوتتاردىنىڭ ءوزارا اڭگىمەسى جازىلىپ قالعان.
«باۋىرىم بۇل - سايتان العىر درون عوي» ، - دەيدى پيلوت العاشقى ۆيدەودا ارىپتەسىنە.
«قۇدايىم - اۋ! جەلگە جىلدام ۇشادى ەكەن»
«مىنانىڭ كەرەمەتىن قارا!»
گرەديشەردىڭ ايتۋىنشا، اسكەري- تەڭىز كۇشتەرىنىڭ «بەيمالىم ۇشاتىن نىساندارعا» قاتىستى وقيعانى اشىق مويىنداۋى، پيلوتتارعا قاۋىپ توندىرەتىن وسىنداي «شابۋىلداردى» اۋە ايلاقتارىنىڭ ماڭىندا بايقاپ قالعان تۇرعىنداردىڭ قاجەتتى مەكەمەلەرگە وزدەرى حابارلاپ تۇرۋى ءۇشىن قاجەت بولعان.
«مەن وقۋ- جاتتىعۋ كەزدەرىندە وسىنداي جاعدايلار ءجيى بولاتىن ايتىپ تۇرمىن» ، - دەدى ول.
ونىڭ سوزىنە قاراعاندا، بۇل بەيمالىم ۇشاتىن زاتتاردىڭ نە ەكەنىن انىقتاۋعا مۇمكىندىك بەرەتىن جالعىز جول - ازاماتتاردى وسىعان ۇقساس قۇبىلىستاردى كورگەن كەزىندە حابارلاۋعا ىنتالاندىرۋ.