+7 (701) 759 90 19
2 °С : نۇر-سۇلتان
8 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

اقتوبەدەگى «وق وتپەيتىن» ايالدامالار تاعى دا وزگەرۋى مۇمكىن

19 قىركۇيەك 20:02
:ءبولىسۋ

اقتوبە. قازاقپارات - اقتوبە ايالدامالارى ءبىر ءتيپتى بولۋى مۇمكىن. بۇل تۋرالى بۇگىن قالا اكىمى ماۆر ابدۋللين ايتتى، دەپ حابارلايدى قازاقپارات ءتىلشىسى.

اقتوبە قالاسىنداعى ايالدامالاردى اۋىستىرۋ جۇمىسىن بۇرىنعى اكىم ءىلياس يسپانوۆ باستاعان بولاتىن. العاشىندا ءار ايالدامانىڭ قۇنى 1,5 ميلليون تەڭگە دەپ بەكىتىلىپ، كەيىن جۇمىستى اتقاراتىن مەردىگەر ءارقايسىسىن 1,1 ميلليون تەڭگەگە ورناتتى.

الايدا اقتوبەلىكتەر جازدا ىستىقتان قورعامايتىن ايالدامالارعا شاعىم ايتىپ، كولەڭكە بولۋى ءۇشىن شاتىرىنا قارا قاعاز جاپسىرىلدى. قازىر دە قوعامدىق كولىك ورىندارىنا شاعىم بار.

وبلىس اكىمى وڭداسىن ورازالين مەن قالا اكىمى ماۆر ابدۋللين قالا ىشىندەگى قوقىستىڭ جينالۋىن، كوپىر قۇرىلىسى مەن تۇرعىن ءۇي قۇرىلىسىن قاراۋ كەزىندە بۇل ماسەلەنىڭ دە شەشىلەتىنىن جەتكىزدى.

«ايالدامالاردىڭ سىزباسى دايىندالىپ، ءبىز حالىققا تاڭداۋ جاساۋعا مۇمكىندىك بەرەمىز. ياعني، دايىن بولعان سوڭ كورسەتىپ، ەڭ دۇرىسىن تاڭدايمىز، سونى قالاعا ورناتامىز. ايالدامالار ءبىر ءتيپتى بولادى. قالا بويىنشا تاعى 600 ايالدامادا ارنايى كۇتۋ ورنى جوق. بۇل ماسەلە دە شەشىمىن تابادى» ، - دەدى قالا اكىمى ماۆر ابدۋللين.

ايتا كەتەيىك، بۇل جۇمىستاردىڭ قاي ۋاقىتتا قولعا الىناتىنى، قازىرگى اينەك ايالدامالار قايدا جىبەرىلەتىنى ءالى بەلگىسىز.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات